Menü
Kieler Nachrichten | Ihre Zeitung aus Kiel
Schleswig-Holstein Bi Uwe liert de Butenlänners Platt
Nachrichten Schleswig-Holstein Bi Uwe liert de Butenlänners Platt
Partner im Redaktionsnetzwerk Deutschland
12:00 02.11.2015
Von Heike Thode-Scheel

In de Komödie „Ostfriesisch-Intensiv“ speelt he nämli den narrschen olen Dwarskopp Uwe Hinrichs, de eensom un alleen jichtenswo in Ostfreesland wahnen deit. Un de blots Platt schnacken deit. Jümmers un överall. Vun’e Welt üm em rüm will he nix weten. Op sien Huus backt twaars all lang de Kuckuck - aver de Ool will dor partout nich rut. Optletzt schüllt dor utlännsche Arbeiter bi em intrecken -  un he schall de nu ok noch Düütsch bipuuln. Hochdüütsch kümmt em jo nu aver so gor nich in’e Tüüt. Dorüm mööt siene niegen Kumpels dor in‘ Film Platt liern.

Un he mutt dat in’t echte Leven as Schauspeler natürli ok eerst mol. Gor nich so eenfach. He kümmt jo ut een ganz anner Eck – ut Anhalt. Dorüm hebbt se em  Anni Heger as Schoolmeestersche to Siet stellt. Dieter Hallervorden smuuster sik een bi’n Pressetermin: „Es hat mir Spaß gemacht, weil die Lehrerin sehr hübsch war.“ De is aver nich blots hübsch, de is ok een echtes Allround-Platt-Talent. Singen kann de ostfreesche Deern, schrieven, danzen un modereern. Na, un Platt bipuuln, gor keen Problem: „Wi hebbt us vör de Dreharbeiden in Berlin een paar mol truffen un sünd de Texten dörgahn.“ Anni Heger hett de Szenen vun Uwe Hinrichs alias Dieter Hallervorden ok op Ostfreesen-Platt överdragen.  Se is Füer un Flamm för ehrn Schöler: „Spraakbegavt? Dat is he! He bastelt sik nu al männig Texten sülvens torecht, wenn man wat an't Set spontaan verännert deit. Ik bün alltiet dor un he rückversekert sik denn bi mi, of dat allns so recht is“, swöögt de Plattschnackerin. He is twaars keen „Native Plattsnacker“ un dat würr man ok an de een oder annern Steed marken – „aver he is bemöht un weet um sien Verantwoorden, de he mit disse Rull annohmen hett..“ För Dieter Hallervorden is dat „mein kleiner Beitrag zur Bewahrung der plattdeutschen Sprache.“

Jüst dat will ok Anni Heger: „As een oostfreesk Wicht hebb ik natürelk de Anspröök, dat us Spraak överlevt  - aver  denn mutt man männigmaal nich so iedel mit sien Spraak wesen.“

Dorüm is dat ok een suer Stück Arbeit, so‘n Job. Vör allen Dingen mutt jo de Chemie stimmen.  Anni Heger smuustert sik een: „Al bi't eerste Telefonaat wussen wi, dat dat goot mit us klappen würr. Wi hebbt konzentreert arbeidt un us dorbi köstelk amüseert!“ 

Noch sünd se böös in’e Gang. De Fim „Ostfriesisch Intensiv“ schall  bi’t NDR Fernsehn in de Reeg „Nordlichter-Komödien“ lopen.  Dat is een Deel vun’t Förderprogramm „Nordlichter“ vun‘ NDR, vun’e Filmförderung Hamborg/Sleswig-Holsteen un vun Nordmedia. Veer Komödien sünd all trech. De kann een sik vun‘ 5. November an dunnersdags üm tein in’t Fernsehn ankieken, de tweete Staffel mit de plattdüütsche Komödie is eerst in’t tokamen Johr to sehn.

Plattsnackerin Anni Heger seggt jedenfalls nu all nipp un nau: „Ik persönelk bün bannig stolt up Herrn Hallervorden!“

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Psychische Probleme, Angststörungen, Depressionen – jede fünfte Krankschreibung in Schleswig-Holstein erfolgt aufgrund eines seelischen Leidens. Der Anteil der gelben Zettel mit solchen Diagnosen lag 2014 bei 19,2 Prozent. Nur in Hamburg ist die Quote mit 22,3 Prozent noch höher.

Heike Stüben 02.11.2015

Zwei Pastoren, ein österreichischer Hauptmann, ein Gastronomen-Ehepaar — sie alle fanden bei der ältesten katholischen Gemeinde Hamburgs ihre letzte Ruhestätte. Nun können Besucher erstmals einen Blick in die renovierte Gruft auf St. Pauli werfen.

01.11.2015

„Lebende Zäune“, „grüne Wände“ oder „kleine Deiche“ — es gibt viele Bezeichnungen für die Knicks. Allen gemeinsam ist: Ihre ökologische Funktion können sie nur erfüllen, wenn sie entsprechend gepflegt werden. Schleswig-Holsteins Bauern haben inzwischen mit der jährlichen Knickpflege begonnen.

01.11.2015