Menü
Kieler Nachrichten | Ihre Zeitung aus Kiel
Schleswig-Holstein Nu schnackt Gott Plattdüütsch
Nachrichten Schleswig-Holstein Nu schnackt Gott Plattdüütsch
Partner im Redaktionsnetzwerk Deutschland
06:05 28.12.2015
Von Heike Thode-Scheel
Jedeen Dag een Bibelvers op Platt: Dat sünd de Losungen. Quelle: th

„Plattdüütsch hölpt, datt man kloor kriggt, wat Gott uns toseggt un wat he vun uns will“, meent Pastorin Anita Christians-Albrecht. Se hett de „Losungen auf platt“ rutgeven. Kloortext schnacken sotoseggen. Denn bi de plattdüütsche Översetten vun’e Bibelverse kann een sik eben nich achter de Karkenspraak versteken.

De Losungen sünd Verse ut‘ Ole Testament mit‘n Lehrtext ut‘ Niege Testament. „9.1.2016 - Psalm 9: De HERR  is een Schuul för de arm Lüüd, eer Schuul för Tieden in Noot  - 2. Korinther 12:  Paulus schrifft: Dör Christus hebb ik goden Mood, wenn ik schwack bün, wenn ik quält ward, wenn ik in Nood bün, wenn se achter mi to sünd un wenn ik bang bün.“ . . .  düsse Losung för den 9. Januor is een wunnerbor Bispeel dorför, wie menschli, wie normaal un aktuell dat is, wat in’e Bibel binnen stahn deit. Vör allen Dingen op Platt.  Dat kann sotoseggen süchtig maken, düsse Oort „Orakel“ för den Dag.

 De Herrnhuter Lüüd, de weern jedenfalls Füer un Flamm, as Nikolaus Ludwig Graf von Zinzendorf  se de eerste Losung an‘ 3. Mai 1728 mit op’n Wech geven hett – för den tokamen Dag: „Liebe hat in hergetrieben, Liebe riss ihn  von dem Thron, und wir sollten ihn nicht lieben?“ De Minschen  funnen dat jedenfalls so goot, datt se op de Losungen nu nich mehr verzichten wulln. Jedeen Dag hebbt se dat denn vun Mund to Mund in de 32 Hüüser vun Herrnhut rindragen. De Losungen schullen „ins Gemüt und ins Herz“ gahn, schreev de Graf. Un twaars „in kleinen appetitlichen Stückchen zur Nahrung meines Volkes“.

Dree Johr later, 1731, is denn dat eerste lütte „Loosbuch“ druckt wurrn. Acht Johr later geev dat den Bestseller all in 37 Orte in 23 Länner op veer Kontinente. Denn de Herrnhuter Gemeene harrn ehr Missionare in alle Welt. För düsse Gemeenschap ut ganz verscheden Minschen un ganz verscheden Globen op ganz verscheden Kontinente weern de Losungen Stütt un Stöhn för jedeen niegen Dag. 

Bit to sien Dood hett de Graf  de Losungen sölben utsöcht – un denn wurrn se utloost. 1824 nummereerte lütte Zeddels liegt noch hüüttodaags in een grote sülverne Kumm binn. Eenmol in’t Johr sitt  de Mitarbeiter an‘ Disch tosamen un treckt de Losungen. Aver nich för’t tokamen Johr, sünnern för dree Johr in‘ Vörrut – düsse Tiet bruukt se, üm all de Översetten, den Papeerkraam un all de niemoodschen Utgaven in’e Reeg to kriegen. Denn de Losungen, de gifft dat nich blots as Book: Dat  gifft een App för Smartphones, een extra Internetsiet in vele verscheden Spraken, een Newsletter, sogor een Utgaav för Blinne un för Gehörlose un nu ok noch de Losungen „up Platt“. Mi hett besünners de Losung vun‘ 22. September 2015 deep anröhrt un nadenkli maakt. Denn dor heet dat: „Die im Elend ohne Obdach sind, führt in mein Haus“ . . . Matthäus 25. Dat weer jüst de Tiet, as de Flüchtingswelle losleep.  Komisch, oder?

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Von Steuer bis Gesundheit und Banken: Zum 1. Januar stehen einige Änderungen an. Damit Sie im neuen Jahr den Überblick behalten, haben wir alles Wichtige nach Themen sortiert zusammengefasst.

KN-online (Kieler Nachrichten) 28.12.2015

Weihnachten wäre geschafft. Aber was sagt eigentlich unser Körper zu dem vielen Essen während der Feierlichkeiten? Wir sprachen mit Claudia Berg, selbstständige Ernährungswissenschaftlerin und Personal Trainerin in Kiel.

Kristiane Backheuer 27.12.2015

Mit 60 Feuerwehrleuten haben drei Feuerwehren aus Eckernförde, Barkelsby und Rieseby am frühen Sonntagnachmittag eine starke Ölverschmutzung auf der Landesstraße 27 (Eckernförde – Rieseby)  bekämpft. Ein Fahrzeug hatte offenbar massiv Öl verloren, so dass die halbe Straße komplett gesperrt werden musste.

Uwe Rehbehn 27.12.2015