Menü
Kieler Nachrichten | Ihre Zeitung aus Kiel
Schleswig-Holstein So maakt Platt liern Spaaß
Nachrichten Schleswig-Holstein So maakt Platt liern Spaaß
Partner im Redaktionsnetzwerk Deutschland
06:00 10.02.2017
Von Heike Thode-Scheel
Dat Platt-Lehrbook för Groote süht püük ut. Quelle: th

  „Wo lang ik dorto bruukt heff“, sineert Dr. Hartmut Arbatzat, „dat kann man so genau nich seggen. Ik maak  jo siet dörtig Johr Plattdüütsch Kurse. Un dor heff ik markt: Dat gifft keen vernünfti Lehrbook dorför.“ Materiol vun all seine Kurse geev dat as Sand an’t Meer. So is dat anfungen mit sien groot plattdüütsches Lehr-Wark. „De Themen liegt jo op’e Hand“, verklaart de Plattschnacker. Un eens weer em ok kloor: „Dat schall för utwussen Lüüd ween, de sik avends na de Arbeit hinsetten doot un dorüm mutt dat Spaaß maken.“ Natürli höört dor ok de Grammatik to. Dat Lehrbook hett de Schoolmeister ut Neddersassen aver ok na de moderne Fremdspraaken-Didaktik tosamenstellt: „Dor kannst di veel bi afkieken bi de Engelsch- oder Franzööschböker. Un den Rest heff ik mi sölben tosamenschnitzt“, vertellt he an’t Telefon. Dat kann he op’t Best – denn he gifft nich blots siet veele Johrn Plattstünnen för grote Lüüd, he hett ok sien Dokterarbeit to dat Thema schreven: „Üm de Theorie heff ik mi all Anfang der 90er Johrn kümmert.  Aver denn buust du ‘n Huus, denn kemen twee Kinner un denn hest du eenfach keen Tiet för so’n Book.“

Över de Konzepte hett he liekers noch lang nadacht. Wat gifft dat för Spraak-Situaschoonen? Wo warrd Platt schnackt? Wat bruuk ik för’n Basis-Wortschatz un woans puul ik de Lüüd de Grammatik bi? In tein Stremels geiht dat nu in‘t Book merrn dörch’t Leven. Anfangen deit dat mit‘ Opstahn. Mit Moin an‘  Morrn un wat een sünst noch seggen kann. Un denn ran an‘ Fröhstücksdisch: Wat gifft dat to Eten un wat schall ik antrecken? Un verdorri . . . wo laat is dat blots all? Later steiht Inköpen op’n Zeddel. Dor lehrt een nich blots wat vun Appeln un Beern, dor kannst du di ok op Platt een Lasagne tosamenschoostern. Wenn du satt büst, warrt di bipuult, woans du Saken un Lüüd beschrieven kannst mit sööt, veerkantig, leddig oder gnadderig. De nächste Stremel speelt sik twüschen Köhlschapp un Slaapstuuv af: Dien Tohuus. Un nu wieder to den Minschen: Gesund un krank, Arm un Been un allerlei Medizin. In de letzten veer Stremel geiht dat na buten vör de Döör: Een lehrt wat över’t Dörpsleven mit Theoter, Füerwehr un Gemeenderaat. Un denn nix as rin in’e Natuur. Wat gifft dat för Planten un Deerten? Un wat maakt de Lüüd in‘ Goorn? Kloor – af un an fohrt de Dörpslüüd ok to Stadt. De 9. Stremel hölpt een, sik in’e Grootstadt torechttofinnen. Nu blifft blots noch dat, wat een dagdägli maken deit: To Arbeit gahn. Wat is dien Profeschoon? Vun Aftheker bit Verköpersch is all’ns dorbi.

Dat is sotoseggen dat Buugerüst vun’t Platt-Lehrbook. To jedeen Stremel hett sik Hartmut Arbatzat verscheden Opgaven utdacht. Bunt torechtmaakt un wunnerbor oprüüscht vun Grafik-Designerin Anemone Schulze-Herringen. Mit passen Grafiken, Biller, Comics, Tabellen un veele enkelte Rebeete, de in jedeen Stremel vörkamen doot. Un dormit dat nich to dröög warrd mit dat Öven un Schrieven, gifft dat jümmers een Leed un een Text ut den Jugendroman „Ebbe un Hehn“ vun Birgit Lemmermann to lesen. Dor maakt sogor de verdorrigte Grammatik Spaaß. De Lösungen kann een glieks in’t Book rinschrieven. Un natürli ok kontrolleern: So as in jedeen anner Schoolbook gifft dat to’n Sluss een Lösungsdeel un kloor: Ok een Vokabellist dörft nich fehlen.

Natürli kann een mit dat Book alleen in sien Stuuv Platt liern, aver: „Ik glööv, so veele warrd dat nich maken. Platt warrd jo to Hauptsaak schnackt. Un du bruukst een, den du schnacken höörst. Dat maakt an‘ meisten Spaaß, wenn man mit Lüüd tosamen is“, weet de Seminarleiter, de ok plattdüütschen Bildungsurlaub op Sylt geven deit. Mit Ünnerricht an‘ Strand un Platt-Schnack an‘ Avend bi Beer un Kööm. In‘ April is dat wedder sowiet in List an‘ Strand. Un dat Platt-Lehrbook, dat is ok mit dorbi. Un denn heet dat: „Goden Dag, ik bün Anne Harder. Ik kaam ut Kiel un wokeen büst du?“

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Die Polizei hat auf einem Parkplatz an der A1 einen Mann festgenommen, der sich über das Internet eine scharfe Schusswaffe samt Munition beschaffen wollte. Bei der Durchsuchung seiner Wohnung wurden eine Softair-Schusswaffe, Butterfly-Messer und eine Cannabis-Plantage gefunden.

09.02.2017

Landesverkehrsminister Reinhard Meyer hat die Probleme beim Bahnverkehr nach Sylt hautnah mitbekommen. Zu einem Gespräch mit Sylter Geschäftsleuten und Pendlern zur Anbindung der Insel kam der Zug des SPD-Politikers 20 Minuten zu spät an.

KN-online (Kieler Nachrichten) 09.02.2017

Ein Urteil mit zwei Seiten: Das Bundesverwaltungsgericht billigt im Grundsatz die geplante Vertiefung der Elbe, verlangt aber Nachbesserungen in der Planung. Spitzenpolitiker in Kiel bedauern die Verzögerungen. Nur die Grünen bekräftigen ihre Kritik an dem Projekt.

09.02.2017