15 ° / 10 ° Regenschauer

Navigation:
Schleswig-Holstein, Land der Plattschnacker

Studie Schleswig-Holstein, Land der Plattschnacker

Jümmers güng dat piel na ünnen mit de plattdüütsche Spraak– nu geiht dat so peu à peu wedder na baven: 24,4 Perzent vun’e Sleswig-Holsteener künnt middewiel wedder goot oder bannig goot Platt schnacken.

Voriger Artikel
Sturmböen, Regen - und dann Sommer?
Nächster Artikel
Haftstrafe für falschen Schiffsarzt

Fast die Hälfte (47,8 Prozent) der 1632 befragten Norddeutschen über 16 Jahre gab an, „sehr gut“ bis „gut“ Plattdeutsch verstehen zu können.

Quelle: Ingo Wagner/dpa

Kiel. Dat seggt ’n repräsentative Ümfraag vun’e Forschungsgrupp Wahlen. Dat sünd twaars jümmers noch twee Perzent weniger as 2007 bi de letzte Ümfraag – aver dat is rein gor nix gegen de Talfohrt siet 1984: Dor kunnen in‘ Norden nämli noch 47 Perzent vun’e Lüüd Platt schnacken. 2007 weern dat miteens blots noch de Hälfte. Dorgegen sünd doch de twee Perzent Lüttkraam. Kloor is: Narrms in Düütschland warrd soveel Platt schnackt as bi uns in Sleswig-Holsteen.
De Studie hett dat Institut för Nedderdüütsche Spraak in Bremen tosamen mit dat Institut för Düütsche Spraak in Mannheim op’e Been stellt. Bi de aktiven Spreker liggt Sleswig-Holsteen mit 24,4 Perzent vöörn, Meckelnborg-Vörpommern steiht mit 21 Perzent dicht dor achter. In Bremen gifft dat noch 17 Perzent aktive Spreker. Fraagt hebbt se in‘e Studie ok, wo goot de Lüüd noch Platt verstahn künnt. Sleswig-Holsteen liggt op Platz twee mit 59 Perzent. Un twaars achter Meckelnborg-Vörpommern (70 Perzent).
1632 Fruuns un Mannslüüd över 16 Johr hebbt de Forscher utfraagt. Blangen de fief norddüütschen Bunneslänner hebbt de Experten ok noch Deele vun Nordrhein-Westfalen, Sassen-Anhalt un Brannenborg mit in’e Studie rinhoolt. Üm un bi 2,5 Millionen Lüüd spreekt noch aktiv Platt.

„De Maßnohmen vun’e Lannesregeeren hölpt mit, datt Platt wedder 'n Tokunft hett – ok bi de jungen Lüüd“, jubileert Klaus Schlie (CDU). De Lanndagspräsident schnackt ok in’e Debatten geern mol‘n beten Platt. Un datt nu an 29 Grundscholen in’t Land Platt na de moderne Fremdspraken-Didaktik liert warrt, dat is „een gewaltigen Schritt na vöörn“, meent he. Löövt hett he ok de beiden Platt-Zentren in Leck un Mölln: „De hölpt blangen dat Ehrenamt dorbi, datt de Szene aktiv blieven deit.“
De Spraken-Riekdom kümmt nich vun alleen, weet Birte Pauls (SPD) ut Sleswig: „ Wi warrd uns ok in Tokunft dorför insetten, datt wi de Spraken-Charta erfüllt.“ Detlef Matthiessen (Gröne) ut Osterby süht dat jüst so: „Vun nix kümmt nix.“ Man mutt sik aver ok truun, Platt in‘ Alldag to schnacken: „Alle freut sik doröver.“ Oliver Kumbartzky vun’e FDP lengt sogor af un an na Platt in‘ Lanndag: „Dorbi kann een sik op Platt so wunnerbor in’e Hoor kriegen, ahn datt dat glieks böös warrd.“ He is in Dithmarschen tohuus un hett dor ok noch ‘n Mandat. De Afgeordnete freut sik jedeen Johr op de Sitten in‘ Dezember. Denn warrd nämli op Platt debatteert: „Villicht sünd miene Reden ’n beten wat körter – aver dat löppt!“

Voriger Artikel
Nächster Artikel
Ein Artikel von
Christian Hiersemenzel
Landeshaus-Korrespondent

Mehr zum Artikel
Kommentar

„Totgesagte leben länger“ – sagen die Hochdeutschen. Stimmt. Das sieht man an der plattdeutschen Sprache. Über Jahrzehnte wurde sie totgesagt, als „oldbacksch“ beschimpft und als „Heimatduselei“ abgetan. Wer etwas auf sich hielt, sprach Hochdeutsch.

Kostenpflichtiger Inhalt mehr
Mehr aus Nachrichten: Schleswig-Holstein 2/3