Menü
Wetter wolkig
14°/ 4° wolkig
Nachrichten auf Platt
Nachrichten auf Platt

Anna Brodersen hett de eerste Bachelor-Arbeit op Platt schreven - Dat is en Premiere op Platt

Dat blau bunnen Heft liggt püük un fein op’n Disch. „Bachelor-Thesis“ steiht dor op. Un wieder ünner wat lütter: „Europa-Universität Flensburg“. Anna Brodersen strakelt dor stolt över wech. Denn dat, wat sik so vigelliensch anhöörn deit, is sowat as en Premiere in Sleswig-Holsteen – villicht sogor in‘ heelen Norden: Op’n Disch liggt nämli de eerste Bachelor-Arbeit op Platt. Natürli över Platt: „Dat eene dat du SASSt  und dat anner dat du snackst - Probleme in de Plattdüütsche Didaktik.“ Dat geiht üm de richtige Schrievwies – üm de verdorrigten Schrievregeln. Bruukt man de egens? Oder schall man so schrieven, as een dat Muul wussen is. „Nee, bruukt man nich“ - dor weer sik Lehramtsstudentin Anna Brodersen an‘ Anfang vun ehr Arbeit seker. An’t Enn stünn för ehr fast: „Wi bruken Richtlinien, üm uns Spraak ok schriftli an’t Leven to holln.“

Heike Thode-Scheel 21.09.2018

Anzeigenspezial - Tolle Angebote aus der Region

Hier finden Sie nützliche Informationen und interessante Angebote unserer Kunden. Firmen, Veranstalter und Dienstleister aus Kiel und Region stellen ihre Produkte, Projekte und Events vor.

Twintig Johr Stütt un Stöhn för uns Regionol- un Minnerheitenspraken

Dat is dat Johr 1993. Dor lanndt en Groot Anfraag an‘ Bunnesdag op’n Disch vun‘e domolige Bunnesdagspräsidentin Rita Süßmuth. Op Hoch- un op Plattdüütsch. Dat verstött domols noch gegen de Geschäftsordnung vun‘ Bunnesdag:  „Wo liggt dat an, dat de Bundesregeern dat Nedderdütsche bet nu hento nich anmellt hett för de Charta? Hett se vör un will dat noch anmellen? Wenn nich, wat höllt ehr trüüch?“, hett de Bunnesdags-Afgeordnete Wolfgang Börnsen driest fraagt. Un dor weern noch veele annere Afgeordnete vun’e CDU/CSU, vun’e SPD, de FDP un de Grönen mit vun’e Partie. An‘ 19. Mai 1994 hett de Bunnesdag denn endli uns Moderspraak mit in Deel II vun’e Charta rinsett., üm „die Schutz- und Förderwürdigkeit dieser Sprache auch im internationalen Rahmen des Europarates zu dokumentieren.“ Veer Johr later, an’ 13. September 1998 is de „Europäische Charta der Regional- und Minderheitensprachen“ vun Düütschland ratifizeert wurrn.

Heike Thode-Scheel 06.09.2018
Nachrichten auf Platt

„Tweemal in’t Johr swet de Buer: bie de Aust un bi de Austkost“ - „Dat letzte Foder is nu vull"

„Dat letzte Foder is nu vull, de Haverkoppel rein, bald geiht dat werrer an för dull mit Plögen, Eggen, Sei 'n, - De Aarnkranz bummelt an de Stang . . . Hüül Bruun un Bleßvoß, forsche Gang! To't Juuchföhr paßt keen Alldaagsschritt . . ." riemelt de Dichtersmann Klaus Witt in sien Aarn-Gedicht „Juuchföhr". Een Juuchföhr, dat weer de letzte Föhr in de Aarn. De „Jubelfuhre" sotoseggen. Denn weern de Buern endli trech mit de Aarn. Wat weer dat anno dunnemol för’n Aggewars: „Wat hett dat vele Arbeit köst, wat hebbt se faken sweten müßt . . .“, riemelt Lüder Woort in sien Gedicht „De Aarn“. Dat weer eben all’ns noch Handarbeit: „De Grootknecht meiht vöran; sin Swad nimt ut de Grotmagd, binnet dat. Denn folgt en Meiher achter er un denn en Binnersch achterher“, so heet dor in’t Gedicht wieder. Vun morrns, wenn de Sünn opgeiht, bit avends, wenn’t düüster warrd – dat is de Töörn bi de Aarn. Optletzt weern de Arbeitslüüd  „poggenmööd, schachmatt oder möd as’n Kater“. Oder: „Hüüt hebben wi uns ornlich de Knaken mör makt.“

Man nu stünn endli dat letzte Foder in’e groot Deel. Nu weer’t sowiet: Tiet för’t Fiern.

Heike Thode-Scheel 22.08.2018
Nachrichten auf Platt

Mit roden Teppich un all de plattdüütschen Stars - Platt-Gala in't Opernhuus

Dat hett dat noch nienich geven in Kiel: En groot Platt-Gala in’t Opernhuus mit all de berühmten Platt-Stars, mit’n roden Teppich, en Aftershow-Party un all den Tüdelüüt, de to so’n Event passen deit. An‘ 8. September heet dat för uns Plattdüütsche: Schapptüüch rutholen,   fein anplünnen, de Hoor op Schick bringen, de Schoh wienern un denn man los – af to Stadt.  Üm Klock acht is dat sowiet. Denn heet dat: Vörhang op för Platt. Mit Theoter, Comedy, Musik, Poetry-Slam un Vertellen. Mit all’ns, wat de Platt-Stars künnt: Op een Gala, an een Avend, op een Bühn. 

17.08.2018
Nachrichten auf Platt

Dichtersmann Klaus Groth weer geern mit sien Fru op Reisen - "Holstein ist schöner als irgendein Land"

„In den Sommerferien wanderte ich stets einige Wochen über die Grenzen Dithmarschens hinaus nach Holstein, Schleswig, Lauenburg, Hamburg und Lübeck . . .“ schrifft uns groot Dichtersmann Klaus Groth in sien Erinnern. Reisen – dat weer in’t 19. Johrhunnert graad richtig in Mood kamen. Tominnst för Lüüd, de wat in’e Melk to krömen harrn. Wokeen sik krank föhl, is in’e Kurbäder fohrt oder an’e See, villicht ok sogor mol in’e Bargen, wokeen en beten Kultur hebben wull, is op Studienreis gahn. Na Italien to’n Bispill. Man wull sik amüseern. Denn dat Reisen is domols örnli wat kommodiger wurrn. Dat geev middewiel grote Chausseen (de Altonaer Chausee to’n Bispill), Dampscheep un de flotte Isenbohn. Un noch wat weer jüst groot in Mood: De Wannerslust. To Foot de Natur un Landschap erkunnen. Jüst so, as dat Klaus Groth maakt hett. De is twaars ok in London, Wien, Italien un de Schwiez, in Amsterdam un op Capri west – man: „Ich kann’s außerhalb von Schleswig-Holstein nicht aushalten“, schreev de plattdüütsche Dichtersmann  vull Lengen an sien Fründ un Landsmann Hebbel.

Heike Thode-Scheel 30.07.2018

Ob gedruckt oder digital, ob Probe-Abo oder Sonderaktion: Entdecken Sie unsere aktuellen Abo-Angebote. Und mit AboPlus können Abonnenten sogar Geld sparen und von attraktiven Rabatten profitieren. Bleiben Sie auf dem Laufenden und erfahren Sie, was die Welt und unsere Region bewegt.

Nachrichten auf Platt

Book op Hoch un Platt över uns Küsten-Vagels mit wunnerbore Biller vun Steffen Walentowitz - Hier püstert de Seewind rut

„Dat schall nich as so‘n Schoolbook ween“, meent Teekner Steffen Walentowitz un smuustert, „dor mutt de Seewind rutkamen un de Vögels mööt dor rutpickern!“ Un dat is em echt glückt in sien nieges Book „42 Vögels van uns Küst“. Meist musst du oppassen, dat de lütt flinke „Keen-Tied“ (Sanderling) nich miteens ut de Siet ruttippelt kümmt. De süht op dat Bild so fidel ut. In düt Book warrd aver nich blots de Vagels in wunnerbore Biller wiest, du kriggst ok een Barg to weten över ehr Besünnerheiten. Op Hoch un op Platt. En Vagel is to’n Bispill so lütt as en Lünk, man de flüggt alleen vun Kanada över den groten Atlantischen Ozean hin an uns Küst. Dat gifft een annern Vagel, de is so flink as‘n Rennauto. Un dat gifft Vagels, de in‘ Summer as Steerns op’e Nordsee glinstern doot. Aver dat Allerbeste, dat sünd de Naams, de wi Plattdüütschen uns Frünn mit de Feddern geven hebbt.

Heike Thode-Scheel 13.07.2018

„Ich hab‘ da eine Frage: Ich kenn‘ von früher so ein Gedicht, da kommt Hein drin vor und irgendwas mit Weihnachten. Das haben wir damals in der Schule gelernt. Können sie mir helfen?“ Kloor kann ik dat – tomeist jedenfalls.  Denn wöhl ik so’n beten in’t Nett rüm oder kiek in mien Platt-Schapp na oder ik fraag ok mol de Experten. Dat gifft nämli middewiel veele verscheden Steeden, wo de Plattschnacker Hölp finnen künnt. Ob dat nu üm en Gedicht geiht, üm en wetenschapli Fraag, üm Översetten, üm Texte, üm Arbeitsmateriol, üm Fragen to de Regionolspraak, üm Veranstalten, Förderungen  oder üm de Rechte vun‘e Plattdüütschen. För jedeen Fall gifft dat en Instituschoon oder en Person, de Stütt un Stöhn geven deit.

Heike Thode-Scheel 29.06.2018
Nachrichten auf Platt

Buernhoff-Pädagogik: Siet 25 Johr der Renner in Sleswig-Holsteen - Magic moments op Platt

„Boah, das riecht hier drinnen so komisch“, jault de lütt Lazar, as he in‘ Kohstall rinkümmt. He höllt sik lever glieks mol de Nees to un kiekt wat opsternaatsch. „Iigitt, die kackt“, röppt en anner Buttjer. Liekers will he de Swattbunte geern mol an’e Nees anfaaten: „Iii, das fühlt sich ganz glibschig an.“ Un as denn noch de lange Tung op em to kümmt, nimmt he Rietut. Fatma Nur dorgegen hett all de lütt Schüffel in’e Hand un will de Köh fodern. Se is Füer un Flamm: „Wir sind jetzt Kuhmenschen“, seggt se wiss un truut sik noch en lütt Stück dichter an den groten Kohkopp ran. Un swupps . . . warrd se eenmol vun’e Koh afslickt. Man se lacht sik en. „Die Kühe essen aber komisch“, wunnerwarkt Machmut un schüfft dat Heu wat dichter an’e Koh ran: „Ich hab‘ jetzt eine Kuhfreundin“, swöögt he stolt. Das war soooo toll!“ „So, denn wüllt wi mol de Köh rutlaten“, röppt Birgit Erichsen dortwüschen un denn suust de ganzen Kinner los. „In‘ Kohstall warrd nich rennt!“ wohrschaut se un lacht sik en. Se kennt dat all. Denn siet twölf Johr  maakt de Buersfru op ehrn „Buernhoff „Schnepfennest“ bi Dannewerk nu all „Bauernhof-Pädagogik“. An‘ leevsten op Platt – aver se kann ok Hochdüütsch.

Heike Thode-Scheel 14.06.2018
Nachrichten auf Platt

Renate Delfs is dörch Platt berühmt wurrn - Platt - dat is miene Heimat

Toveel Aggewars üm ehr Person, dat kunn se nich lieden: „Man muss sich nicht so wichtig nehmen und immer schön dankbar sein für das, was man hat.“ Dat weer so’n Schnack vun Renate Delfs. Un se weer  förwiss dankbor för dat, wat se harr un wat ehr an’t Hart leeg: De Schauspeelerie, Plattdüütsch, Petuh un de Schrieverie. Nu is de wunnerbore Flensborger Schauspeelerin mit 93 Johr in ehr Heimatstadt storven. Wat hett de Plattschnackerin nich all’ns för Rulln speelt in’t Fernsehn: Se weer bi’n „Landarzt“ mit dorbi, bi’t „Großstadtrevier“, „Büttenwarder, „Tatort“, „Adelheid und ihre Mörder“, bi de „Pfefferkörner“un veele, veele anner Serien un Filme. Toletzt stünn Renate Delfs as Amanda in „Büttenwarder“ vör de Kamera. Dat weer verleeden Johr. De smucke Fru mit’e witten Hoor weer dormit een vun’e öllsten Schauspeelerinnen, de noch spelen doot. De Fernsehrullen weern ehr middewiel lever, as op’e Bühn to stahn. Denn „da kann man einen Text auch mal wiederholen.“

Heike Thode-Scheel 04.06.2018
1
Nachrichten auf Platt

De plattdüütsche Dööpreed vun Rudolf Kinau is ook hüüt noch aktuell - Gorch Fock - se is wedder dor

2
Nachrichten auf Platt

Mit roden Teppich un all de plattdüütschen Stars - Platt-Gala in't Opernhuus

3
Nachrichten auf Platt

Anna Brodersen hett de eerste Bachelor-Arbeit op Platt schreven - Dat is en Premiere op Platt

4
Nachrichten auf Platt

Lars Brodersen is en plattdüütschen Truerredner mit veele Talente - Den letzten Gang op Platt

6
Nachrichten auf Platt

Nordlicht will Plattdüütsch-Grupp in München op de Been stellen - He puult de Bayern Plattdüütsch bi