13 ° / 9 ° Regenschauer

Navigation:
Nachrichten auf Platt
Länner sünd sik eens: Platt höört in'e List vun'e Abi-Fächer mit rin

So eens sünd sik de Bunneslänner wiss nich allto oft. De tostännigen Kultusminister ut 15 vun’e 16  Bunneslänner hebbt sik op de Kultusministerkonferenz (KMK) „für die Aufnahme des Faches Niederdeutsch in die Liste der gegenseitig anerkannten unbefristet angebotenen länderspezifischen Prüfungsfächer in der Abiturprüfung“ stark maakt. Mit een Enthaltung. Wat sik op Hochdüütsch so vigelliensch anhöörn deit, heet op Plattdüütsch: Nu kann dat also losgahn mit dat Abi op Platt. „Das Erlernen der Plattdeutschen Sprache wird somit anderen Fächern gleichberechtigt und ist kein Zusatzangebot mehr“, swöögt Birgit Hesse. Se is de Bildungsministerin vun Meckelnborg-Vörpommern un hett den Andrag in’e KMK op’n Wech bröcht.

  • Kommentare
mehr
Agathe-Lasch-Pries över Missingsch an Dr. Viola Wilcken

Missingsch – dat is „halbes Platt“ hett de berühmte Schrieversmann Kurt Tucholsky mol seggt,. In sien Roman „Gripsholm“ hett he bavento noch een wunnerbores Bild för düsse Spraakvarietät moolt: „Missingsch ist das, was herauskommt, wenn ein Plattdeutscher hochdeutsch sprechen will. Er krabbelt auf der glatt gebohnerten Treppe der deutschen Grammatik empor und rutscht alle Nasen lang wieder in sein geliebtes Platt zurück.“ Dr. Viola Wilcken vun’t germanistische Seminar an’e Uni Kiel hett sik in ehr Dokterarbeit nipp un nau mit düsse „Sprachenvarietät“ uteenannersett: „Historische Umgangssprachen zwischen Sprachwirklichkeit und literarischer Gestaltung. Formen, Funktionen und Entwicklungslinien des Missingsch“ heet ehr Thema.

  • Kommentare
mehr
Hartmut Arbatzat hett een Platt-Lehrbook för Groote maakt

„Goden Dag, ik heet Heike, Heike Thode-Scheel. Un wokeen büst du?“ „Ik bün Hartmut Arbatzat. Ik leev in Wingst in Neddersassen un ik bün Schoolmeester.“ Gröten – Vörstellen – Tahlen: Dat is de eerste Stremel in’t niege plattdüütsche Lehr-Book vun Dr. Hartmut Arbatzat. Dat Besünnere: Dat is een Spraakkurs för groote Lüüd. To’n Lesen, to’n Öven, to’n Högen, to’n Singen, to’n Lehrn, to’n Översetten, to’n Spekuleern, to’n Radeln – aver vör allen Dingen geiht dat hier üm Platt  in‘ Alldag. Mit Grammatik, Wöörlisten, mit Leesstücken, Övungen, mit Leder, Radels, Gedichte un Riemels.  „Platt – dat Lehrbook“ is nu in‘ Quickborn-Verlag rutkamen.

  • Kommentare
mehr
Landeier gegen Grootstadt-Ganoven - dor is wat los in Delve

Dor staht se sik nu liek över an Struves Gasthoff: De Landeier ut Delve un de dree Spitzboven ut Hamborg, „Countdown“ sotoseggen: „Jens, da bist du ja. Du hast noch was, was mir gehört. Und wenn du und deine Dorfdeppen hier keinen Ärger haben wollt, dann besorgst du das, was mir gehört, und sonst . . .“  Tja, wat sünst passern würr, dat kannst du di jo in den Film „Landeier – Plattdeutsch für Fortgeschrittene“ mol sölben ankieken. Dor speelt Dithmarschen de Hauptrull un natürli de Plattdüütsche Spraak. „Eine Low-Budget-Produktion mit Laien“, meent Filmemaker un Mediengestalter Mathias Schulz een beten dröög, „keine Hollywood-Produktion auf Hochglanz.“

  • Kommentare
mehr
Dat Hamborger Theoter geiht op Abstecher na Südafrika

„Touristen und Geschäftsreisende kommen oft nach Namibia, aber das gleich ein ganzes Schauspielensemble samt mitgereister Fans in der Hauptstadt aus dem Flugzeug klettert, gibt es wahrscheinlich nicht jeden Tag . . . Begleitet von zahlreichen Kulturfreunden reisen acht Schauspieler und Angehörige des Ohnsorg-Theaters, Dekorationen, Requisiten und Kostüme per Flugzeug nach Namibia“, so stünn dat för tein Johr in’e „Allgemeine Zeitung Namibia“ binn.  Nu will sik dat Ensemble mit Chef Christian Seeler wedder op’n Wech na Afriko maken. Dütmol schall de Reis na Kapstadt gahn. Sotoseggen mit Kind un Kegel. Twaars ahn Kulissen un ahn Pütt un Pann (de klüütert se in Kapstadt na de Pläne ut Hamborg) – aver mit Ohnsorg-Fans un Leser vun’t Hamborger Avendblatt. An 17. März geiht dat grote Aventüür los.

  • Kommentare
mehr
Veer junge Lüüd singt vun ehr Tohuus - folkig, poppig, platt

„Uns geiht‘t doch ganz goot mit dat, wo wi leevt, mit dat, wat wi hebbt“, singt de „Tüdelband“ op ehr niege CD „Ganz goot“. Un dat, wat se dor singen doot, dat föhlt se ok so. Mire, Malte, Micha un Lars geiht dat richtig goot mit ehre sülvstmaakte plattdüütsche Musik. Platt-Pop nöömt se dat. Siet söven Johr dreiht sik bi de dree Jungs un de eene Deern all’ns üm’e Musik. Op’e Bühn un ok in’t echte Leven.

  • Kommentare
mehr
Spraak-Projekt vun'e Kieler Uni kriggt Wetenschapspries

„Woans schnackt de Norden?“ dat hebbt sik Spraakexperten ut söss verscheden Unis in Norddüütschland fraagt. In  ehr Projekt SiN geiht dat siet 2008 üm de „Sprachvariation in Norddeutschland“. Ünner de Leit vun de Kieler Christian-Albrechts-Universität  sünd de Unis Hamborg, Bielefeld, Potsdam un Frankfurt/Oder bigahn un hebbt de Lüüd bi’t Schnacken tohöört. Un twaars twüschen Nord- un Ostsee un twüschen Oder un Rhein. Dat geiht üm de sonöömte „Sprachwirklichkeit“. Gifft dat bi uns in‘ Norden sowat as een Ümgangsspraak? Woveel Platt steekt in uns Hochdüütsch binn? Un ümgekehrt: Woveel Hochdüütsch rutscht in‘t Plattdüütsche rin? Nu hebbt de Wetenschapler för ehr Studie den Wissenschaftspries 2016 kregen.

  • Kommentare
mehr
De Sass is all 60 Johr – aver böös niemoodsch

Wenn Hein Thies wat will, denn sett he sik an sien Reekner un schrifft een Nettbreef. Hett he dat aver hild, denn hoolt he glieks sien Plietschfon rut un röppt an.  Will de Plattschnacker ut Glinn weten, wat dat Nieges gifft in’e Welt, denn deit he dat mit‘ Kiekprogramm vun sien Computer.  Mit siene nahto tachentig Johr is he `n echt plietschen Nettbruser. De Plattexperte is in’t Nett tohuus as anner in ehr Goorn. Ob nu bi’t Tippsnacken, op sien egen Hööftsiet oder bi’n Tohuuskoop – offschonst – dat is nu doch nich so sien Saak. Denn Tohuuskoop is homeshopping.  Un dor hett he nix mit an‘ Hoot. Wat Nettbruser, Tippsnacken un Plietschfon is? Dat kann een in dat lütte Book „Der neue Sass – Plattdeutsches Wörterbuch“ nakieken.

  • Kommentare
mehr
Anzeige