Menü
Kieler Nachrichten | Ihre Zeitung aus Kiel
Nachrichten auf Platt Abi op Platt: Nu kann't losgahn
Nachrichten auf Platt Abi op Platt: Nu kann't losgahn
Partner im Redaktionsnetzwerk Deutschland
15:07 13.03.2017
Von Heike Thode-Scheel
So kann dat bald bi de Abi-Prüfungen utsehn. Quelle: dpa
Anzeige

Nu schall dat Fack dor an söss Gymnasien un Gesamtschoolen op’n Stünnenplaan stahn. In Hamborg künnt  de eersten Schöler in’t Schooljohr 2021/22 ehr Abitur op Platt maken. Denn dat gifft nu all Jungs un Deerns mit dat Profilfack Nedderdüütsch in‘e söbente Klass. In Sleswig-Holsteen steiht Plattdüütsch an 29 Modellscholen vun’e 1. bit 4. Klass op’n Stünnenplan. Un dat schall denn ok wiedergahn: „Schleswig-Holstein steht dem Beschluss des Schulausschusses der KMK aufgeschlossen gegenüber“, seggt Beate Hinse. Se is Sprekerin vun’t Bildungsministerium.

In‘ Momang geiht dat bi uns eerst Mol schrittwies in’e Grundscholen los – vun’e eerste bit to de veerte Klass, aver „zum Schuljahr 2017/18 folgt die Einführung an ausgewählten Schulen der Sekundarstufe I. Der nächste Schritt ist die Sekundarstufe II. Wenn es genug Schülerinnen und Schüler gibt, kann das Fach dann auch Abifach sein“, so dat Ministerium för Scholen un Bildung in Kiel. Plaant hebbt se, dat Profilfack Platt  an tein Gemeenschaftsscholen oder Gymnasien antobeden. Op’t Best weer, wenn dat  Scholen sünd, „die einen Anschluss an die Arbeit in den Projektschulen bieten können“, heet dat in een Papeer. De Grund: „Damit es  für die Schülerinnen und Schüler der Grundschulen ein kontinuierliches Niederdeutsch-Angebot gibt“, so dat Bildungsministerium.

Söss  Gemeenschaftsscholen un Gymnasien wüllt geern bi dat Sekundar-1-Projekt op Platt mit dorbi ween un hebbt sik all beworben. Plaant sünd denn twee Stünnen Nedderdüütsch in’e Klassenstuf 5.

Freuen deit sik besünners Marianne Ehlers vun‘ Sleswig-Holsteenschen Heimatbund (SHHB). Se sett sik as Plattdüütsch-Referentin all lang för Platt in’e School in. Aver nich blots dor. Bavento ok noch in‘ Plattdüütschen Raat, bi’n Plattdüütschen Bunnesraat un bi ehre Arbeit an de beiden niegen Platt-Schoolböker: „In Sleswig-Holsteen hebbt wi ja den Handlungsplaan Sprakenpolitik, wo dat egens al allens binnen steiht: von der vorschulischen Bildung bis zum Abitur ein durchgehender Bildungsgang. Dat wasst ja denn vun ünnen op. De Kinner, de vundaag in de Grundschool Platt hebbt, köönt denn mit Schangs in de wiederföhren Scholen wiedermaken – un denn geiht dat ja hen na dat Abi.“

Aver de Wech dorhin weer steenig. Un dat, offschoonst Plattdüütsch dörch de EU-Charta vun’e Regional- un Minnerheitenspraken siet över twintig Johr ganz besünnern Schutz kriegen deit. In Deel III geiht dat üm’e Bildung. Un dor heet dat ünner den Punktc, se schüllt „einen erheblichen Teil des Unterrichts im Sekundarbereich in den betreffenden Regional- oder Minderheitensprachen anbieten oder innerhalb des Unterrichts im Sekundarbereich den Unterricht . . . als integrierenden Teil des Lehrplans vorsehen“.  Siet Sommer 2015 kriggt de Spraak ok noch Stütt un Stöhn dörch den „Handlungsplan Sprachenpolitik“ vun’e Lannesregeern. De seggt nipp un nau, datt dat „einen geschlossenen Bildungsgang in den Regional- und Minderheitensprachen von der Kita bis zur Hochschule“ geven schall.  Un dat Land geiht sogor noch‘n Schritt wieder un hett den Schutz un de Förderung vun Plattdüütsch in’e Lannesverfaten rinschreven. Dor heet dat in Artikel 13/Absatz 2: „Das Land schützt und fördert die Pflege der niederdeutschen Sprache.“

Düsse Dreefach-Schutz is dat rechtliche Fundament för all’ns, wat de Tokunft vun’e plattdüütsche  Regionalspraak angeiht.  Dorto höört aver ok Lüüd, de mit’e Politik an een Strang trecken doot. Dat sünd nu de Schoolmeister un Schöler. Un de schient Füer un Flamm för dat niege Ünnerrichtsfack to sien. Denn in’e  29 Modellscholen in’t Land sünd middewiel 2170 Schöler mit vun’e Partie. Dat geiht schients bargop – un wenn alle op een Stück plögen doot, denn warrd dat ok wat mit dat Abi op Platt.

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt Agathe-Lasch-Pries över Missingsch an Dr. Viola Wilcken - Dascha gediegn - düsse Pries

Missingsch – dat is „halbes Platt“ hett de berühmte Schrieversmann Kurt Tucholsky mol seggt,. In sien Roman „Gripsholm“ hett he bavento noch een wunnerbores Bild för düsse Spraakvarietät moolt: „Missingsch ist das, was herauskommt, wenn ein Plattdeutscher hochdeutsch sprechen will. Er krabbelt auf der glatt gebohnerten Treppe der deutschen Grammatik empor und rutscht alle Nasen lang wieder in sein geliebtes Platt zurück.“ Dr. Viola Wilcken vun’t germanistische Seminar an’e Uni Kiel hett sik in ehr Dokterarbeit nipp un nau mit düsse „Sprachenvarietät“ uteenannersett: „Historische Umgangssprachen zwischen Sprachwirklichkeit und literarischer Gestaltung. Formen, Funktionen und Entwicklungslinien des Missingsch“ heet ehr Thema.

Heike Thode-Scheel 27.02.2017
Nachrichten auf Platt Hartmut Arbatzat hett een Platt-Lehrbook för Groote maakt - So maakt Platt liern Spaaß

„Goden Dag, ik heet Heike, Heike Thode-Scheel. Un wokeen büst du?“ „Ik bün Hartmut Arbatzat. Ik leev in Wingst in Neddersassen un ik bün Schoolmeester.“ Gröten – Vörstellen – Tahlen: Dat is de eerste Stremel in’t niege plattdüütsche Lehr-Book vun Dr. Hartmut Arbatzat. Dat Besünnere: Dat is een Spraakkurs för groote Lüüd. To’n Lesen, to’n Öven, to’n Högen, to’n Singen, to’n Lehrn, to’n Översetten, to’n Spekuleern, to’n Radeln – aver vör allen Dingen geiht dat hier üm Platt  in‘ Alldag. Mit Grammatik, Wöörlisten, mit Leesstücken, Övungen, mit Leder, Radels, Gedichte un Riemels.  „Platt – dat Lehrbook“ is nu in‘ Quickborn-Verlag rutkamen.

Heike Thode-Scheel 15.02.2017
Nachrichten auf Platt Landeier gegen Grootstadt-Ganoven - dor is wat los in Delve - Hollywood op platt in Dithmarschen

Dor staht se sik nu liek över an Struves Gasthoff: De Landeier ut Delve un de dree Spitzboven ut Hamborg, „Countdown“ sotoseggen: „Jens, da bist du ja. Du hast noch was, was mir gehört. Und wenn du und deine Dorfdeppen hier keinen Ärger haben wollt, dann besorgst du das, was mir gehört, und sonst . . .“  Tja, wat sünst passern würr, dat kannst du di jo in den Film „Landeier – Plattdeutsch für Fortgeschrittene“ mol sölben ankieken. Dor speelt Dithmarschen de Hauptrull un natürli de Plattdüütsche Spraak. „Eine Low-Budget-Produktion mit Laien“, meent Filmemaker un Mediengestalter Mathias Schulz een beten dröög, „keine Hollywood-Produktion auf Hochglanz.“

Heike Thode-Scheel 09.02.2017
Anzeige