Menü
Kieler Nachrichten | Ihre Zeitung aus Kiel
Nachrichten auf Platt Beten Platt för lütte Klabauter
Nachrichten auf Platt Beten Platt för lütte Klabauter
Partner im Redaktionsnetzwerk Deutschland
08:44 11.07.2016
De Hund jachtert achter dat Kanink ran . . . Quelle: Valeska Scholz
Anzeige

Vun A wie Aadboor bit Z wie Zeeg kann de lütte Buttjer nu glieks  de plattdüütschen Deerten kennenliern. De sünd aver ok to üm to nüdli. „Witzig, einfach und gut zu erkennen“ – dat sünd ehre Deerten. Wat Valeska Scholz mit ehre Biller besünners an’t Hart liggen deit? „Dass die Tiere miteinander agieren. Und dass man Geschichten weitererzählen kann, wenn man sich das Buch anguckt“. Dat funkschoneert op‘ Best. Denn de Deerten hett de Grafikerin nich eenfach so op’e Siet ropmoolt. De leevt dor, wo se tohuus sünd: op’e Wiesch, in‘ Diek, in’e See, in’t Huus, in‘ Wald, in‘ Goorn un op’n Diek. Dor kann man jümmers niege Saken utklamüüstern: „Ich mochte früher „Pettersson und Findus“ gern. Da konnte man so viel entdecken. So minikleine Geschichten . . .“, smuustert se. Jüst so is dat ook in ehr Papp-Billerbook. De Deerten leevt, se kiekt di plietsch an, jachtert dörch’t Bild – de Kanink vörwech, de Hund achterran. De Uul kiekt schuulsch vun‘ Boom rünner, de Boompicker pinkert in een Tour gegen de Eek. Wokeen fallt dor keen Geschicht in? In düt lütt bunt Book gifft dat nich blots Deerten to sehn, nee, du kannst Aventüür beleeven, de Natuur kennenliern un dat Beste: Du kannst dien Kinner ok glieks de plattdüütschen Naams vun’e Deerten bipuuln. De staht nämli groot dor binn. De Schrift hett Valeska Scholz ok sölben moolt.  Dat is ehr Profeschoon – aver se is ok Füer un Flamm för’t Molen un Teeken: „Ich hab‘ früher schon gemalt“, besinnt se sik“, „und meine Eltern haben mich da auch ganz doll unterstützt. Mit ehrn Vadder hett se veel tosamen klüütert un moolt. Dor is een Barg  hangen bleven – un datt se dat lütte Book mit veel Leev tosamenstellt hett, dat süht een glieks. In een, twee Johr, dor vertellt se ehrn Söhn villicht sölben wat över de plattdüütschen Deerten – de is nu all jümmers bi’t Molen mit dorbi . . . in‘ Buuk.

„Lüttjet Platt, Tiere“, Valeska Scholz, Schünemann-Verlag, 9,90 Euro, ISBN 978 3 944552 82 8,

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt Künnigung: Wat kümmt na't Institut för Nedderdüütsche Spraak? - Warrd dat Plattdüütsch-Institut eenfach platt maakt?

„Keen Minsch ut’e Politik hett bit nu nich mit mi schnackt. Punkt!“ Dr. Reinhard Goltz vun’t Institut för Nedderdüütsche Spraak (INS) in Bremen is suer. Keen Wunner: „Ik heff nu den Europaraat inschalt – un de sünd ok empört!“ De Grund: De veer norddütschen Bunneslänner Sleswig-Holsteen, Hamborg, Bremen un Neddersassen hebbt ehr Förderafkommen för dat Institut för Nedderdüütsche Spraak künnigt. In‘ Dezember 2017 schall endgültig Sluss ween. 272 000 Euro spendeert de veer Bunneslänner in’t Johr för’t Institut in Bremen – dat sünd twee Drüttel vun’t Budget. Un dat siet 1979.

Heike Thode-Scheel 11.07.2016
Nachrichten auf Platt "Tohuus" heet dat Theoterstück vun'e Ohnsorg-Studiobühn - Theoter mit un över Stratenkinner

 „Wir sind die Dunkelziffer. Manchmal versuchen sie uns zu zählen.  Und eigentlich wissen sie es alle nicht so genau . . .“ Stratenkinner, de kennt jedeen vun uns. Biller vun Kinner in Indien un Brasilien kaamt een in‘ Sinn. För 100 Millionen Kinner op’e Welt is de Straat ehr Tohuus, seggt dat Kinnerhölpswark Terres des hommes.  To’n Glück wiet wech? Wat geiht mi dat an? Dor büst du op’n Holtwech. Stratenkinner gifft dat ok bi uns in’t rieke Düütschland. För üm un bi 9000 Kinner un junge Lüüd is de Straat „Lebensmittelpunkt“. 32 000 Stratenkinner tellt de „Bundesarbeitsgemeinschaft Wohnungslosenhilfe“.  Vör allen Dingen in’e Grootstadt. Sogor in’e noble Hansestadt Hamborg kannst du se sehn. Jüstemang blangen dat Ohnsorg-Theoter an‘ Hauptbahnhoff gifft dat de Inrichten „KIDS“. Dor kümmert sik Soschaalarbeiter üm Kinner un junge Lüüd, de keen Tohuus mehr hebbt. Un wieldatt se dat Thema so ünner de Nogels brennen deit, hett nu de Jugendclub vun’t Ohnsorg-Theoter tosamen mit „KIDS“ een Theoterstück över Stratenkinner op’e Been stellt: „Tohuus“ heet dat.

Heike Thode-Scheel 14.06.2016
Nachrichten auf Platt Bilingual-picturebooks - vun'e lütte Regionolspraak bit to grote Weltspraken is all'ns dorbi - Dien egen Book in dien egen Spraak

Kokuvi in Ghana freut sik as dull op’t Lesen. De Lütte höllt ehr eerst Billerbook in siSwati in ehr Hannen. Jüst so as Dereje in Äthiopien. De will sik glieks sien nieges Book op Tigrinisch ankieken. Afifa is verleden Johr mit ehr Modder ut Syrien flücht. Endli kann se ok hier in Düütschland een Book lesen. In ehr Modderspraak Dari un op Düütsch. So kann se glieks de niege Spraak liern. Lütt Hein kriggt hüüt avend de Geschicht vun den Voss Oscar op Platt vörleest. Sien Modder kann Plattdüütsch, aver sien Vadder kümmt ut Ameriko un snackt mit em blots Engelsch. Morrn höört he sik den Rest vun’e Geschicht op Engelsch an – denn is nämli sien Vadder an’e Reeg. Woans dat geiht?

Heike Thode-Scheel 30.05.2016
Anzeige