Menü
Kieler Nachrichten | Ihre Zeitung aus Kiel
Nachrichten auf Platt Cool, modern, frisch un fidel
Nachrichten auf Platt Cool, modern, frisch un fidel
Partner im Redaktionsnetzwerk Deutschland
11:09 13.05.2018
Von Heike Thode-Scheel
Duppelsiet ut dat lütte Platt-Book. Quelle: Tanja Esch/Junius Verlag
Anzeige

„Cooler kann man nicht gegen das Aussterben des Plattdeutschen angehen“, löövt en groot Hamborger Blatt. „Ich habe versucht, eine alte Sprache frisch und neu anzugehen. Damit die Sprache nicht verschwindet“, vertellt de junge Deern, de twaars sölben keen Platt schnacken kann - liekers versteiht se sik wunnerbor op ehr Metier. Denn se leevt nu all tein Johr in’e Hansestadt un kennt Stadt un Lüüd.  De Hessin studeert an’e  Hochschool för  Angewandte Wetenschaften in Hamborg un is nu graad dorbi, ehrn Master as Illustratorin op’e Been to stellen. Ehrn Bachelor hett se all in’e Tasch – sogor mit Utteken för ehr Bachelor-Arbeit: „Supercool“. Dat is‘n Kinner-Comic över de schönen un nich so schönen  Belevnisse vun‘n lütt Schoolkind: „Das ist auch ein bisschen autobiografisch – was ich so erlebt habe in der Grundschule. Es geht um Freundschaften, aber auch um Ausgrenzung“, vertellt Tanja Esch.

Dat niege Book is wat ganz Besünneres. Denn „das war auch die erste richtige Berührung mit Platt“, smüüstert de Deern. Ich finde das spannend und schön und die Sprache klingt sehr niedlich. Ich mag es einfach gerne hören.“ Jüst so seht ok ehr Minschen ut. De sünd mit’n poor Bleestiftstrichen trech - liekers is de een driest, de anner bang, de een benaut, de anner blied. Een is arm un kiekt bedrüppelt, de anner is riek un tirileert. Een is flietig un sitt deepdikern an‘ Schrievdisch, de anner is fuul un maakt dicke Backen. Ehr Stil? „Albern, bunt, kindisch. Mir sind die Figuren total wichtig. Was sie mögen, was nicht. Ich bin sehr liebevoll beim Zeichnen. Sie müssen greifbar sein, dass man sich vorstellen kann, wer das ist“, verklaart de Teeknerin. Mankeen mol steekt se sogor sölben dor binn, smüüstert se. „Oder Freunde von mir. Die Bilder sind sehr reduziert – haben aber trotzdem viel Ausdruck.“

De Idee för dat Book harr de Junius Verlag: „Die Liste mit den Gegensätzen gab es schon und ich habe dann überlegt, wie man das umsetzen kann.“ Wichtig weer: Dat schull en „All-age-book“ ween. Also för lütt un groot. Un dat schull typisch norddüütsch utsehn: „Ich habe mir dann zu den Begriffen die passenden Bilder ausgedacht, habe grobe Skizzen gemacht und sie immer wieder an den Verlag geschickt.“ Dor würr veel hin un her överleggt, denn: „Es ist schon eine Herausforderung, etwas zu finden, was griffig ist und was viele kennen. Ich hatte total viele Bildideen.“

Optletzt geiht dat denn ran an‘ Schrievdisch:  „Ich zeichne die Bilder mit dem Bleistift vor und dann werden sie am Computer koloriert“, verklaart se.  Un denn kümmt dor Leven in’e Bude: Dor suust en Fru mit Sünnenbrill un fleegen Hoor gau op’t Motorboot över’t Water. Op’e anner Siet dümpelt en Swaan-Tretboot suutje mit twee Verleevte op’e Alster. Meist höörst du den dicken Pott, de „Queen Mary“, luut tuten – gegenöver dreiht sik dat rode Seilboot „Rosi“ liesen in‘ Wind. Un wettst wat? De groten Pötte tuut so luut, dor kümmt nich mol‘n Presslufthammer mit. De hett man blots 120 Dezibel. Dat Schippshorn aver 146. Plietsch oder? Tja, blangen Platt kannst du di ok‘n Barg anner Saken in düt lütt Book rutklamüüstern. Denn achtern verklaart Tanja Esch ehr Biller: „Mir war es wichtig, dass der Leser nicht allein gelassen wird mit einem Bild. Zum Beispiel der Paternoster. Ich wusste gar nicht, dass der Begriff was mit Hamburg zu tun hat. So kann man vorne in Ruhe schauen und hinten nachlesen.“

Also ik finn: Düt lütt Book is heel groot. Un uns ool Spraak is ganz nee dorbi rutkamen. `n Barg to sehn op wenig Sieden. Mol benaut un mol blied. Aver jümmers kuntreer.

Junius-Verlag

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt De dree Comic-Pörkse liert nu ok Plattdüütsch - De Abrafaxe kaamt to uns

De Abrafaxe weern all överall in’e grote wiede Welt: In Ägypten,  Australien, jo sogor in China un Japan, Malaysia, Indien un Ameriko. Un natürli ok överall in’t heele Europa. De dree Comic-Pöörkse weern aver nich blots överall in’e Welt ünnerwegens, se weern ok överall in’e Weltgeschicht togang: Ob nu in’t Middelöller, in’t ole Rom, in‘e Wikingertiet oder in’t Mesozoikum bi de Dinos. Se hebbt bi Luther mit an‘ Disch seten, hebbt Nofretete de Hand holln, de Pracht vun‘ Sünnenkönig bewunnert un de Samurai bi’t Kämpfen tokeken. Düwelskeerl Abrax, de plietsche Brabax un de kommodige Califax beleevt natürli en Barg Aventüür bi ehre Reisen dörch Tiet un Ruum.  Un – kuum to glöven - dat all siet 42 Johr. Nu geiht dat na Norddüütschland. De Abrafaxe sünd düt Johr op’e Sporen vun’e Hanse. Se söökt den Gold-Schatz vun’e Likedeeler. Un dor kaamt se villicht ok in Kiel vörbi. Kiel weern nämli ok mol Hansestadt. Se kriegt dat mit’n Barg Gold to doon, mit lecker Marzipan ut Lübeck un mit so’n snaaksche Spraak mit den Naam „Plattdüütsch“. De eersten twee Comic-Hefte sünd nu graad rutkamen. Jedeen Maand künnt de groten un lütten Leser nu en nieges Aventür in’e Hansetiet studeern.

13.05.2018
Nachrichten auf Platt Düt plttdüütsche Märken kennt jedeen - Swinegel un Haas

„Disse Geschicht is lögenhaft to vertellen, Jungens, aver wahr is se doch! Denn mien Grootvader, van den ick se hew, plegg jümmer, wenn he se mi vörtüerde, dabi to seggen: ‚Wahr mutt se doch sien, mien Söhn, anners kunn man se jo nich vertellen!“ Wat dat för’n Geschicht is, üm de dat hier geiht? Na, üm dat Märken „Wettlopen twischen den Haasen un den Swinegel“. De kennt doch jedeen Kind. Wenn de lütt Swinegel so driest ropen deit: „Ick bün all hier“. Un de Haas verbaast un puustig dorsteiht un de Welt nich mehr versteiht. Un jümmers wedder loslöppt mit flegen Ohrn un liekers jümmers to laat is. Optletzt blifft he doot op’n Acker liggen. Düt wunnerbore ole Märken steiht op Hochdüütsch in jedeen Schoolbook binn. Dor sünd de Bröder Grimm an Schuld. De hebbt dat in ehr Märkensammeln enfach översett.  Man dat Originol, dat is op Plattdüütsch. En Meisterstück - vertellt vun Wilhelm Schröder.

Heike Thode-Scheel 13.05.2018
Nachrichten auf Platt Lännerzentrum Nedderdüütsch maakt sik an'e Arbeit - De Stüerfru is endi an Bord

„Neue Chefin für Niederdeutsches Länderzentrum – Christianne Nölting warrt Baas vun’t Lännerzentrum in Bremen un Hamborg, Neddersassen  un Schleswig-Holsteen sitt mit in’t Boot“ -  quiddert de Pressesteed vun‘ Bremer Senat. Siet 1. März hett dat niege Lännerzentrum för Nedderdüütsch (LZN) nu also en Geschäftsführerin. Knapp dree Maande is dat nämli  all her, datt de Länner Bremen, Sleswig-Holsteen, Hamborg un Neddersassen dat niege Platt-Zentrum op’e Been stellt hebbt. Stütt un Stöhn kriggt dat LZN vun’e veer norddüütschen Länner. Un twaars 271 000 Euro: Neddersassen övernimmt mit 117 000 Euro den gröttsten Deel, Bremen stüert 80 000 Euro dorto, Sleswig-Holsteen 42 000 un Hamborg 30 000 Euro. Dat is jüst dat Geld, wat de Länner över veertig Johr lang dat Institut för Nedderdüütsche Spraak (INS) in Bremen tostüert hebbt.

Heike Thode-Scheel 15.03.2018
Anzeige