Menü
Kieler Nachrichten | Ihre Zeitung aus Kiel
Nachrichten auf Platt Dat hebbt wi de Charta to verdanken
Nachrichten auf Platt Dat hebbt wi de Charta to verdanken
Partner im Redaktionsnetzwerk Deutschland
12:00 19.06.2017
Von Heike Thode-Scheel
Wi köönt ok anners schnacken, meent düsse plattdüütschen Gören. Quelle: platt is cool

 Ok Karin Evers-Meyer vun’e SPD-Fraktion höllt ehr Reed op Platt: „Dat  eenmal  in  de  Legislatur  hier  in‘n  Bunnesdag  de Minderheitenspraken . . . ok  mal  snacken köönt, so as ehr dat Muul wussen is, dat hebbt wi de Charta to verdanken.“ „Rěč je kluč k wutrobam. Das heißt auf Deutsch: Die Sprache ist der Schlüssel zu den Herzen“, smuustert  Maria Michalk vun’e CDU/CSU un is dankbor, datt se Sorbisch schnacken dörft: „Dass ich heute hier in meiner Muttersprache sprechen kann, ist ein starkes Signal.“ Un twaars för de Tokunft vun all de lütten Spraken.

Dorför steiht  nämli  de „Charta der Minderheiten- oder Regionalsprachen“. Siet 25 Johr is se dat „wichtigste Werte- und Rechtsgerüst zum Schutz autochthoner Minderheiten und ihrer Sprachen in Europa“, verklaart Hartmut Koschyk. He is bi de Bunnesregeern för de naschonaalen Minnerheiten tostännig. Datt de Charta nich blots‘n Stück Papeer is för‘n lütt Minnerheit, dat wiest düsse Andrag mit de Nummer 18/12542 nipp un nau. Denn de is  nich blots vun alle Frakschonen tosamen op’n Wech bröcht wurrn, dat hett ok keeneen Gegenstimm geven. Bunnesdag-Vizepräsident Johannes Singhammer kunn dat meist nich glöven – datt de Parteien alle op een Stück plögen doot: „Das zeigt, dass die Wertschätzung von Regional- und Minderheitensprachen nichts mit babylonischer Sprachverwirrung zu tun hat, sondern  viel mit gemeinsamem Verständnis, Respekt, Wohlwollen und Harmonie.“

Düsse „Rückenwind aus dem Parlament“, as Hartmut Koschyk dat nöömt, de hett in de verleden 25 Johr veel bröcht för de Minnerheiten- un Regionolspraken. Plattdüütsch to’n Bispill: Dat is nu Ünnerrichtsfack in dree Bunneslänner, in Sleswig-Holsteen gifft dat sogor een Handlungsplan Niederdeutsch, jedeen hett nu dat Recht, vör Gericht in sien Modderspraak to schnacken, Platt mutt in’e Medien bröcht warrn, dat plattdüütsche Theoter höört to uns Immaterielle Kulturerbe un Platt steiht nu ünner een besünnern Schutz un kriggt een besünnere Fördern. Liekers „ruhen wir uns auf dem Erreichten nicht aus, sondern formulieren Aufträge für die Zukunft“, freut sik Koschyk.

Een Opdrag is besünners för uns Plattdüütsche een groten Gewinn. Un de is nu in‘ Bunnesdag ok mit afsegent wurrn:  Wi kriegt nämli – jüst so as de annern veer Minnerheiten in Düütschland – uns egen Sekretariat in Berlin.  Denn, so verklaart Karin Evers-Meyer, „dat Sekretariat för de  natschonalen  Minnerheiten kann  sik  nich  för  de Plattdüütschen insetten. Dat is bit vundagen en würklich groten Nadeel för de Plattschnackers. Un dat wüllt wi mit unsen Andrag in de Reeg bringen.“  Hartmut Koschyk bringt denn de gode Naricht: „Auf Bundesebene werden wir sicherstellen, dass für den Bundesrat für Niederdeutsch . . . ein Sekretariat für die niederdeutsche Sprache geschaffen wird. Haushaltsmäßig haben wir schon vorgesorgt.“

Dat Sekretariat schall de ehrenamtliche Arbeit vun‘n Bunnesraat Stütt un Stöhn geven.  Dat schall aver - dor merrn in Berlin - ok dorför sorgen, datt uns Sprekergrupp beter (an)sehn un (an)höört warrd. „Dormit  hett   de   Bund   sien   Plicht   un   Schuldigkeit   för   dat   Nedderdüütsche daan“, meent Karin Evers-Meyer, „de grote Wunsch vun de Plattsnackers is nu, dat ok de Länner sik besinnt– mööglichst all acht tosamen–, datt se de Verplichtungen vun de Charta erfüllt.“ Veel Loff hett dat för Sleswig-Holsteen geven: „Der Bunnesdag begrüßt: die Entwicklung  des    „Handlungsplans    Sprachenpolitik“    des    Landes Schleswig-Holstein,  der  Perspektiven  aufzeigt,  wie  die  Charta-Sprachen  in  den  kommenden  Jahren  – dem  Leitbild  eines  geschlossenen  Bildungsgangs  folgend – dauerhaft gestärkt und Mehrsprachigkeit und Sprachenvielfalt in der Gesellschaft verankert werden können“, heet dat in’t Papeer.  Dat is nämli nich blots för uns goot, sünnern ok för uns Butenpolitik, meent Cem Özdemir op Schwääbsch: „Wenn wir Regionalsprache, wenn wir Minderheitensprache pfleget, sin m’r doch viel glaubwürdiger, wenn m’r der Türkei saget: „Ganget anderschd om mit Kurdisch“, wenn m’r de Chinese saget: „Ganget anderschd om mit Uigurisch.“–  Du  bischd  glaubwürdig, wenn  du  des,  was  du  de  andere  verzählscht,  bei  dir  im  eigene Land machschd. Also ganget m’r da mit gutem Beispiel voran.“

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt 1987 füng dat mit'n plietsche Idee an - de Platt-Theaterdaag - Wat för'n Theoter in Molfsee!

Een Wuch lang heet dat in Molfsee wedder: Vörhang op för’t Plattdüütsche Theoter. Vun Sünnavend, 10. Juni bit Sünndag 18. Juni wiest acht Bühnen ut Sleswig-Holsteen, wat se künnt. Un twaars op de 26. Nedderdüütschen Theoterdaag in Molfsee. „För de plietsche Idee, dat Platt-Theater en Landspräsentation to geven, stünn Heinz Busch, domols Bühnenleiter in Kiel un de eerste Museumsdirektor Prof. Carl Ingwer Johannsen. In‘ Tweespänner wullen se wat doon för de Kultur in uns Land“, swöögte Wolfgang Börnsen verleden Johr bi’t 25. Jubiläum. In 25 Johr güng de Vörhang 225 Mol op för plattdüütsche Theoterstücke in‘e Winkelschüün vun’t Freilichtmuseum Molfsee – ob dat nu een Komödie weer, een Krimi oder een Drama. 195 Stücke hebbt de verscheden Bühnen twüschen Lübeck un Flensborg op’e Bühn bröcht.

02.06.2017
Nachrichten auf Platt "Wie klingt die Reformation im Norden" - Projekt vun'e Uni Rostock - Op Platt singen för de Reformaschoon

Alle  Lüüd snackt vun Luther. Is jo ok keen Wunner. 2017 is dat Lutherjohr. 500 Johr Reformaschoon – wat för’n övergroten Steen hett de Mönk dor in’t Rullen bröcht. De hett de heele Ordnung vun‘e Gesellschap över’n Hupen smeten, as he de 95 Thesen an’e Slottkark vun Wittenbarg anhaut hett. Sien Luther-Bibel weer anno dunnemol een Bestseller un de opsternaatsche Mönk sowat as een Star. Liekers seggt de Rostocker Spraakwetenschapler Perfesser Dr. Franz-Josef Holznagel: „Ohne Slüter kein Luther“.  Denn ahn den plattdüütschen Prediger ut Rostock sehg dat mit de Reformaschoon in‘ Norden mau ut: „Das war ein genialer Schachzug von Slüter – sonst wäre die Reformation hier im Norden gar nicht angekommen. Slüter war ja Prediger in der St- Petri Kirche – das war die Kirche für arme Leute. Und die wollte er kriegen. Wenn er denen die Luthertexte vorgelesen hätte, hätten die gesagt: „Lass man“, meent de Germanistikperfesser.“

Heike Thode-Scheel 18.05.2017
Nachrichten auf Platt Nu scheet Minsch un Deerten koppheister - In' Mai, in' wunnerschönen Mai

De Wonnemaad Mai hett dat in sik – dor scheet nich blots dat Gröön rut, dor scheet ok Minsch un Deerten koppheister

„Juchhei! Juchhei! Wa ick mi freu! Vunnacht keem Lischen Allerlei! Nu ward dat grön! Nu ward dat blöhn! Nu springt dar alle Knuppens twei! – Juchhei! Juchhei! Wa ick mi freu! Gu’n Morrn, lüttj‘ Lischen Allerlei! Gu’n Morrn, Herr Mai!“

So jubileert Dichtersmann Johann Meyer in sien lütt Riemelöver den Wonnemaand Mai. „Alles neu macht der Mai“, heet dat ole Volksleed ut‘ 18. Johrhunnert, dat hüüt noch gellen deit.  Keen annern Maand in’t Johr hett so veele Bedüüden för de Minschen as de Mai. För keen anner Maand hebbt de Dichterslüüd so veele Gedichte un Leder schreven as för düssen Wonnemaand. Alleen dat Woort Wonnemaand: Dor steekt Leev binn un Wonne, Swögen un Hopen op wat Nieges.

Heike Thode-Scheel 18.05.2017