24 ° / 8 ° heiter

Navigation:
Dat richtige Krüütz för Platt

"Wahlprüfsteine Niederdeutsch": "In weiten Teilen nur enttäuschend" Dat richtige Krüütz för Platt

„Die Zukunft hat 30.524 Wörter“ – schrifft de Lannes-CDU in ehr Regeerungsprogramm för de tokaamen veer Johr. Blots dörtein Wöör finndt de Partei för de Tokunft vun uns plattdüütsche Spraak: „Wir werden uns auch zukünftig für die Erhaltung einer lebendigen niederdeutschen Sprache einsetzten.“  Un bi de annern Parteien süht dat nich veel beter ut. Dorüm hett de Heimatbund sik mit den Plattdüütsche Raat för Sleswig-Holsteen tosamensett. Dorbi rutsuert sünd de „Wahlprüfsteine Niederdeutsch“. Dormit wüllt se de CDU, de SPD, de FDP, de Grönen, den SSW un de Linke mol örnli  op’n Teen föhlen, wat de mit de plattdüütsche Spraak opstellen wüllt, wenn se an’t Regeern kaamt . . . De Antwurten, de se kreegen hebbt, „können in weiten Teilen allerdings nur als enttäuschend angesehen werden“,  meent Marianne Ehlers un Klaus Nielsky, de beiden Spreeker vun‘ Plattdüütschen Raat. „Wi bruukt Verbindlichkeiten – so as Hamborg dat hett“, foddert Marianne Ehlers bavento.

Voriger Artikel
En bunten Job bi dat groote Ohnsorg-Theoter
Nächster Artikel
Plattello - plietsch, püük, platt

Plattdüütsch is in den ADS-Kinnergoorn in Tönning ganz normool.

Quelle: th

Blots – mit de Verbindlichkeiten is dat so een Saak. Dat geiht all bi de doren Wohlprogramme los. Veel mehr Wöör as de CDU bruukt de SPD ook nich, wenn dat üm de plattdüütsche Spraak geiht. Kannst sogoor glööven, de beiden hebbt vun eenanner afschreeven: „Wir werden uns intensiv für eine Förderung der Minderheitensprachen Dänisch und Friesisch sowie der Regionalsprache Niederdeutsch einsetzen“, steiht dor. Ümmerhin hebbt se dat Programm ook op Platt översett! Bi de FDP süht dat een lütt beten beter ut: De wüllt de Spraak nich blots bewohrn un wiederentwickeln, de wüllt ook in‘ „vorschulischen Bereich neue Konzepte initiieren und fördern“. De Gröönen foddert, datt nationale Minnerheiten anerkannt warrd un: „Wir unterstützen die Ziele der Europäischen Charta der Regional- und Minderheitensprachen. Friesisch und Plattdeutsch sind Bestandteil der norddeutschen Kultur. Diese wollen wir pflegen und erhalten."  De LINKE will sik ook för‘t Bewohrn vun de freesche un nedderdüütsche Spraak un för de kulturelle Vielfalt insetten. Aver mehr nich!

De eenzigste Partei, de in ehr Wohlprogramm kloore Utsagen maaken deit, is de SSW. Een ganze Siet rüümt se dorför in. De lütte Partei meent, dass „die Nutzung der eigenen Sprache einem Menschenrecht gleichkommt“. Präsent is Platt aver in‘ Alldag noch lang nich. Schaad, meent de SSW un is sik seeker, datt een „Mehrsprachenland“ nich blots för de Plattdüütschen good is, sünnern ook för een „positives Image“ sorgen deit: „Deshalb ist es an der Zeit, dass Schleswig-Holstein sich aktiv zur Mehrsprachigkeit bekennt und diese gezielt fördert. Der SSW will, dass das Land eine eigenständige Sprachenpolitik . . . entwickelt und umsetzt, in der die Gleichwertigkeit der Regional- und Minderheitensprachen zum Ausdruck kommt“, heet dat in ehr Wohlprogramm ünner Punkt 5.5. De Schutz vun de Minnerheiten-Spraaken schall sogoor in de Kommunalverfaaten fastschreeven warrn. Se wüllt sogoor Mittel för de „Sprachförderung in Kindergärten“ kloor maaken.

„0 Treffer“ seggt mien Computer aver, wenn ik in de Programme vun de Familien-Partei, vun de Freien Wähler, vun de NPD, de Maritime Union un vun de Piratenpartei rinkieken do.

Dat is dat, wat in de Wahlprogramme binn steiht. De Heimatbund un de Plattdüütsche Raat, de wullen dat aver noch mol een beeten genauer weeten un hebbt konkrete Fraagen an de Parteien stellt: Wat is mit de Kinnergoorns? Woans schall dat wiedergahn mit den plattdüütschen Ünnerricht in de wiederführenden Schoolen ? Wat is mit de Unis? Un wat schall ut all de Verbänne, Instituschoonen un Institute warrn? Un so seht de Antwurten ut:

De CDU un de SPD wüllt den Lannesploon Nedderdüütsch wieder vöran bringen, aver vun een eegenstänniges Ünnerrichtsfach wüllt beide  Parteien nix weeten. De Kinnergoorns schüllt sölben för Angebote sorgen, seggt de CDU. Un wenn dat Geld recken deit, denn schüllt ook de Institute un Instituschoonen föddert warrn. De SPD schüfft den swatten Peter glieks op de Familie: De schall nämli „den generationenübergreifenden Gebrauch der Sprache sicherstellen, sonst ist staatliche Förderung zwecklos“. Mehr Geld gifft dat ook nich, wieldatt nix dor is. Un bi de Schoolen is för se ook kloor: Wenn plattdüütschen Ünnerricht, denn in Eigenverantworten vun de Schoolen, vun de Verbänne oder mit Hölp vun „Muttersprachler“. Un wat de Institute un Instituschoonen angeiht: „Keine Bestandsgarantie“.

Dor kann een bang warrn. Bi de LINKE passt de Snack: „Wenn de Buer wennt, denn plöögt he nich!“ Wenn Schöler un Öllern Platt wüllt, denn kann man dat jo mol in de School maaken. Wenn „die Popularität der Sprache derart wachsen würde“, denn weer een Angebot vun Platt an de Unis „sinnvoll“ un „erfreulich“.  Wenn de Arbeit vun de Institute good is, denn is „ggf. eine Anpassung der Förderung erforderlich“.  De FDP seggt glieks, datt dor wegen de Schuldenbrems keen Geld för mehr Plattdüütsch dor is. In‘ Kinnergoorn is Platt de Opgaav vun den Träger un in de Grundschool „ist eine Verpflichtung nicht vordringlich“ – dat würr blots eene „Reduzierung in anderen Fächern mit sich bringen“, steiht in de Antwurt vun de Partei binn. Liekers wüllt se in de Sekundarstufe I den „Kontakt zu Sprache und Kultur stärken“. Bi de Grönen höört sik dat deelwies ganz good an, vunwegen: Die Europäische Charta soll auch in Schleswig-Holstein umgesetzt werden“ – aver „die Situation des Haushaltes zwingt zu kreativen Lösungen“. Wat dat bedüüt, kümmt bi de Kitas to’n Vörschien: „Ehrenamtliche Angebote sind unerlässlich“. Regelünnerricht as in Hamborg kann dat in Sleswig-Holsteen blots dor geeven, „wo Platt in der Familie verankert ist“. Liekers wüllt se Nedderdüütsch in’t Staatsexamen mit rinnehmen un ook de Institute wüllt se wieder ünner de Arms griepen.

Richtig Gedanken maakt hett sik dorgegen na mien Meen blots de SSW. De kennt sik aver ook ut mit Minnerheiten. „Hergestellt und erprobt in Schleswig-Holstein“ steiht op ehr Programm – un ook för Platt wüllt se sik richtig stark maaken. Vör allen Dingen is düsse Partei eens kloor: „Minderheitensprachen sind nicht zum Nulltarif zu haben“. Se wüllt för de Kinnergoorns haupt- un ehrenamtliche Kräfte insetten. Un dormit dat in de School wiedergeiht, foddert se:  „Niederdeutsch an ausgewählten Schwerpunktschulen verpflichtend anzubieten“.  Un dat schall denn ook fast in‘ Stünnenploon binn stahn. Na de Wohl will de SSW ook noch mol nieg över Platt an de Unis verhanneln. Dormit de Spraakencharta un allns anner funkschoneern kann, hett de lütte Partei beslooten: De Institute un Instituschoonen mööt föddert un stärkt warrn.

Nu künnt de Plattsnacker sölben entscheiden, wo se dat Krüütz an‘ Sünndag hinmaakt – aver eens is kloor un dat weer ook de Sinn vun de doren „Wahlprüfsteine“: Na de Wohl, dor warrd de Plattdüütsche Raat kieken, wat ut de Verspreeken wurrn is . . .

Voriger Artikel
Nächster Artikel