Menü
Kieler Nachrichten | Ihre Zeitung aus Kiel
Nachrichten auf Platt De Abrafaxe kaamt to uns
Nachrichten auf Platt De Abrafaxe kaamt to uns
Partner im Redaktionsnetzwerk Deutschland
12:00 09.04.2018
De Abrafaxe sünd in'e Hansetiet ünnerwegens. Quelle: Mosaik-Verlag

 „Ich werde euch in ein Geheimnis einweihen. Niemand außer mir kennt es“, swiestert de ole Fru in’e Reetdackkaat in Califax‘ Ohr rin. So füng de ganze Geschichte an:  „Mein Vater gab es einst an mich weiter, denn ihr müsst wissen, mein Vater war ein Likedeeler“. Nu sünd de dree Abrafaxe aver böös neeschierig wurrn, wat dat denn op sik hett mit düsse snaakschen Likedeeler. Dat weern jo so’n Aart Seeröver, de op’e Ostsee ünnerwegens weern un de Scheep vun’e Hanse kapert hebbt. Kloor, datt de veel Gold inkasseert hebbt. Aver den Schatz enfach so utbuddeln – nee, dat warrd nix. Denn de ole Fru kennt blots en lierlütt Stück vun’t Geheemnis. Nu mööt se also de annern dree Erben vun’e Likedeeler söken. Un denn geiht de Reis ok all los. Rund üm’e Ostsee. Vun Nowgorod bit na Kiel, vun Hamborg bit na Stralsund . . .

 „Es weiß niemand so ganz genau, wo die Reise hingeht“, smüüstert Maren Ahrens vun‘ Mosaik Verlag an’t Telefon, „aber Lübeck und das Marzipan werden eine große Rolle spielen.“ De Hansestadt kennt de Redakschoon vun‘e Comic-Stars nipp un nau. Besünners dat Hanse-Museum, vertellt de Lektorin: „Wir waren alle zusammen da und haben es uns angeguckt. Das war schon sehr spannend.“ Se wüllt sogor mit dat Museum tosamenarbeiten un jümmers ganz bestimmte Utstellungs-Stücke in ehr Hefte rinbringen. „Das werden wir dann im Mittelteil extra vorstellen“, verklaart de Mitarbeiterin, de siet twintig Johr Füer un Flamm is för ehr Arbeit. So’n Besöök is en Deel vun’e Recherche, dormit ok all’ns stimmig is in’e Geschichten.

Kloor is ok all, datt de dree Abrafaxe jichtenswann na Meckelnborg kaamt: „Das wird wohl im Juli-Heft sein“, meent de Lektorin, „und dann schnacken die auch mal Platt“, soveel dörft se all verraden. „Das wird nicht zu speziell sein und immer so, dass es auch jeder versteht – aber eben ein bisschen breiter gesprochenes Hochdeutsch mit speziellen plattdeutschen Wörtern.“ Hölp holt sik de Abrafax-Macher vun buten: „Ich bin ja selbst Mecklenburgerin und mein Vater redet ja auch Platt. Oder auch die Verwandten und Freunde meiner  Kollegen.“ Wobi – de dree lütten Pöörkse sünd jo so oder so echte Spraak-Talente: „Sie sprechen anscheinend alle Sprachen dieser Welt“, sineert de Meckelnborgerin un amüseert sik, „und man kann die alle verstehen. Komisch, oder?“ Dat schall dor so en Trick geven . . . aver dor will se nix vun naseggen: „Das bleibt ein ungeklärtes Rätsel“, lacht se sik en. Dor liggt wiss wedder düsse „verflixte Nebel“ över . . .

Wiss is: Se schnackt nich blots de groten Spraken op’e Welt, se kennt sik sogor ok mit’e lütte Spraken un ok mit’e verscheden Dialekte ut. Wat för plietsche Spraak-Genies! Ob dat nu Bayrisch is, Rheinlännisch, Sächsisch, Schwääbsch oder Plattdüütsch – gor keen Problem. Dormit will sik de Verlag nich blots för de Sprakenveelfalt stark maken, se wüllt de Minschen ok en ganz bestimmte Egenort mit op‘ Wech geven. Datt en nipp un nau seggen kann: Ik bün vun hier . . . ik kaam ut Bayern, Berlin oder Sachsen oder eben vun’e Ostsee-Küst. Also Jungs - hollt ju Kopp un Nacken stief!

www.abrafaxe.com

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt Düt plttdüütsche Märken kennt jedeen - Swinegel un Haas

„Disse Geschicht is lögenhaft to vertellen, Jungens, aver wahr is se doch! Denn mien Grootvader, van den ick se hew, plegg jümmer, wenn he se mi vörtüerde, dabi to seggen: ‚Wahr mutt se doch sien, mien Söhn, anners kunn man se jo nich vertellen!“ Wat dat för’n Geschicht is, üm de dat hier geiht? Na, üm dat Märken „Wettlopen twischen den Haasen un den Swinegel“. De kennt doch jedeen Kind. Wenn de lütt Swinegel so driest ropen deit: „Ick bün all hier“. Un de Haas verbaast un puustig dorsteiht un de Welt nich mehr versteiht. Un jümmers wedder loslöppt mit flegen Ohrn un liekers jümmers to laat is. Optletzt blifft he doot op’n Acker liggen. Düt wunnerbore ole Märken steiht op Hochdüütsch in jedeen Schoolbook binn. Dor sünd de Bröder Grimm an Schuld. De hebbt dat in ehr Märkensammeln enfach översett.  Man dat Originol, dat is op Plattdüütsch. En Meisterstück - vertellt vun Wilhelm Schröder.

Heike Thode-Scheel 26.03.2018
Nachrichten auf Platt Lännerzentrum Nedderdüütsch maakt sik an'e Arbeit - De Stüerfru is endi an Bord

„Neue Chefin für Niederdeutsches Länderzentrum – Christianne Nölting warrt Baas vun’t Lännerzentrum in Bremen un Hamborg, Neddersassen  un Schleswig-Holsteen sitt mit in’t Boot“ -  quiddert de Pressesteed vun‘ Bremer Senat. Siet 1. März hett dat niege Lännerzentrum för Nedderdüütsch (LZN) nu also en Geschäftsführerin. Knapp dree Maande is dat nämli  all her, datt de Länner Bremen, Sleswig-Holsteen, Hamborg un Neddersassen dat niege Platt-Zentrum op’e Been stellt hebbt. Stütt un Stöhn kriggt dat LZN vun’e veer norddüütschen Länner. Un twaars 271 000 Euro: Neddersassen övernimmt mit 117 000 Euro den gröttsten Deel, Bremen stüert 80 000 Euro dorto, Sleswig-Holsteen 42 000 un Hamborg 30 000 Euro. Dat is jüst dat Geld, wat de Länner över veertig Johr lang dat Institut för Nedderdüütsche Spraak (INS) in Bremen tostüert hebbt.

Heike Thode-Scheel 11.03.2018
Nachrichten auf Platt Hertha Borchert - en grote plattdüütsche Schrieversfru - Platt in' Kopp un in't Hart

Egens weer Hertha Borchert jümmers blots „die Mutter von Wolfgang Borchert“. Se weer de Fru, de ehrn starvenskranken, berühmten Söhn Dag un Nacht pleegt hett. Se weer de Fru, de sik mit all ehr Knööf üm‘n Nachlass kümmert hett. De laterhen op jedeen Premiere vun sien Drama „Draußen vor der Tür“ opdüükert is un de in ehr lütt Wahnung för all de jungen Lüüd dor weer, de mehr vun ehr Idol Wolfgang Borchert höörn wullen. Wat keeneen wuss: Hertha Borchert hett sölben Gedichte un Vertellen schreven. Op Platt. De Deern ut dat lütte Dörp Kirchwerder in’e Veerlannen hett mit ehr Schrieverie  groten Erfolg hatt. In’e  Dörtiger Johr weer se jüst so bekannt as Hermann Claudius, Otto Tenne oder Rudl Kinau. Experten meent sogor, datt `n beten wat vun ehrn Schrievstil ok op Wolfgang Borchert affarvt is.

Heike Thode-Scheel 23.02.2018