Menü
Kieler Nachrichten | Ihre Zeitung aus Kiel
Nachrichten auf Platt Düsse Veer rappt all'ns platt
Nachrichten auf Platt Düsse Veer rappt all'ns platt
Partner im Redaktionsnetzwerk Deutschland
07:53 11.01.2016
Blowm (rechts vöörn), dor achter Benefit, links blangen Blowm sitt Reddich un dor achter Maddin Quelle: Ines Barber
Anzeige

     Ach jo, af un an sünd se ok to veert ünnerwegens – as „Maudefaades“. Also, Blowm, de Dichter, Denker un Sänger mit sien Kumpel Maddin vun‘e Bremer Kant, de Gitarrist Benedikt, alias „Benefit“ un an ‘e Hip-Hop-Rhythmus-Maschien  Philipp Reddig, alias „Reddich“. Yo Mann!

Achter den Sänger un Dichter Blowm steiht Hendrik Bloem. Een studeerte Spraakwetenschapler un Politikweetenschapler, een Lyriker, een Mann, de op Hochdüütsch sowieso un op Platt sien Kunst ünner de Lüüd bringen deit. He jongleert mit‘e Wöör, mit‘e Sülven, mit‘n Klang vun‘e plattdüütsche Spraak un mit den modernen Hip-Hop Sound. He nöömt sik sölben den „plattdüütschen Jay-Z“ – mit’n Ogenplinkern versteiht sik.

To Welt komen ist Blowm in Emmen (Emden) 1983. Al as Jung vun twölv Johrn fung he dat Rappen an. Un dat Plattdüütsche, dat hett he vun Oma un Opa mitkreegen. Jüst so as ok  Maddin (Martin Haß mit richtigen Naam) – sien Oma hett sik mit em extra hinsett un Platt övt. Kennen doot sik de beiden Rapper all siet ehre Schooltiet. Mit de Musik un ehre Band hett aver all’ns eerst veel later anfungen: 2011. Dor hett Blowm nämli mit’n Platt-Rap den drütten Platz bi’n Plattsounds-Wettbewarb maakt. Un wat passt op’t Best to’n Rap? Dat Slagtüüch. An dat Instrument is Maddin jo Experte. De richtige Rhythmus liggt em in’t kabbelige Blood.

In ehre Leeders geiht dat üm Heimatgeföhle, harte Arbeit, man ok üm düt typisch norddüütsche Geföhl, „man suutje Lüüd . . . nich meckern, doon is beter. Hau rin un jammer nich!“ Dat verpackt se in ehr Riemels un jümmers düükert dor bekannte plattdüütsche Schnacks op. „Wat mutt dat mutt“ – is klor. Oder ok „Nützt ja all‘ns nix“. Aver nix vunwegen Shanty-Chor-Romantik. Dor hebbt se nix mit an‘ e Kapp: Se rappt över dat, wat se in ehrn Alldag över’n Wech lopen deit.

 Un dat schient de Lüüd to gefallen. „Am Ende machen wir immer Gefangene“, Maddin lacht. Un Recht hett de slanke Lulatsch mit de veelen Tatoos. Een mutt de ostfreeschen Keerls live beleeven. Woans se sik rinleggt in‘e Show, danzt, de Wöör ruthaut, den heelen Saal in Hip-Hop-Rhythmus to‘n Nickköppen bringt:  „Mien Oma seggt Yo – mien Opa seggt Yo. Mien Oma un mien Opa seggen beid jümmers yo.“ Denn kannst blots noch „Jo“ ropen un nickköppen .

Vun Travemünn bit Bremen, vun Greetsiel bit Hamburg un hooch na Kiel un trüch. Dat löppt bi de Jungs. . .

www.blowm.de

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt De Losungen: Gottes Woort för jedeen Dag - nu ok op Platt - Nu schnackt Gott Plattdüütsch

Man kann sik dat kuum vörstellen – aver dat is wohr: Bi över eene Million Lüüd in Düütschland liegt se morrns op’n Fröhstücksdisch - Bismarck hett se leest, Graf Zeppelin, Dietrich Bonnhöfer, De „Losungen“ vun’e Herrnhuter Gemeene. Dat is sowat as de dääglich Schnacks op’t Kalennerblatt.  Blots datt de Schnacks hier ut’e Bibel kaamt. Sotoseggen „Gottes Woord för jedeen Dag“. Un dat all siet 286 Johr. De doren  Losungen sünd aver nich blots bi uns een Bestseller. Se slaagt Brüchen to verscheden Religionen, verscheden Kontinente, verscheden Kulturen un to ganz verscheden Minschen. Denn De Herrnhuter Gemeene hett se vun ehre Missionare in de Welt bröcht. Een kann se in 35 Länner op fief Kontinente finnen. Dat lüerlütte Book mit de Bibelschnacks is middewiel in 61 Spraken översett wurrn.   Vun Afrikaans bit Zulu - un nu endli ok „up Platt“. 

Heike Thode-Scheel 31.12.2015
Nachrichten auf Platt Nieger plattdüütscher Landkrimi mit veel Poesie un wenig Blood - "Hui, dat Füür güng hooch . . ."

Wenn Marlou (Martha-Louise) Lessing vun’e Physik un Mathematik vertellen deit, denn glinstern ehre Ogen. Denn is se Füer un Flamm för mathemaatsche Probleme un pysikaalsche Phänomene. Dat puult se sogor as Schoolmeestersche towannerte Minschen bi: „Dat is hochinteressant“, swöögt se un freut sik, wenn een vun ehre Schölers un Schölerinnen laterhen erfolgreich sünd in ehr Profeschoon.  Kuum to glöven, datt een Deern, de sik to üm to geern mit Tahlen, mit Gesetze, mit Theorien un mit Regeln beschäftigen deit, jüst so’n Sinn för schöne, sinnige Wöör hett, för Gedichte, Geföhle un för de Spraak an sik.  De noch dröömen kann. Un för allen Dingen för de Minschen un ehr Leven. För ehre Charaktere. För dat, wat in se binnen sitten deit. Dor fangt de Biller in ehrn Kopp an to lopen un denn geiht dat Opschrieven los. Wat dorbi rutsuern deit sünd wunnerschöne Gedichte un Geschichten.

Un nu sogor een plattdüütschen Kriminaal-Roman, de in Sleswig-Holsteen spelen deit: „Oosterfüer“ heet de.

Heike Thode-Scheel 14.12.2015
Nachrichten auf Platt 100 Johr Quickborn-Verlag – 100 Johr "nur" plattdüütsche Böker - „Platt is mien Welt“

 „Platt is mien Welt“, heet een vun‘e üm un bi hunnert plattdüütschen Bökertitel, de de Quickborn-Verlag in Hamborg-Harburg op Loger hett. „Platt is mien Welt“ -  düsse Titel kunn aver ok op’t Best dat Motto vun‘n Verlag ween. Denn Verleger Peer-Marten Scheller is nich blots sölben Plattsnacker, nee, he hett middewiel ok de enkelte Verlag wiet un siet, de blots plattdüütsche Böker rutbringen deit. „Voll der Norden“ sotoseggen . . . Un dat nu all siet hunnert Johr.

Heike Thode-Scheel 30.11.2015
Anzeige