10 ° / 6 ° Sprühregen

Navigation:
Een Book för Leckersnuuten un lütte Pottkiekers

Vun Klackerklümp bit Fleederbeersupp is all'ns dorbi Een Book för Leckersnuuten un lütte Pottkiekers

Wenn een vun mien Kinner mi fragen deit: „Wat gifft dat hüüt to eten?“, denn segg ik jümmers „Swienschiet mit Dill“. Dat hett all mien Oma seggt, wenn se nich wüss, wat se op’n Disch bringen schull. Aver eens harr se jümmers tohuus: Mehl, Melk un Zucker. Un Zimt. Dor hett se denn in nullkommanix „Klackerklümp“ ut tövert. Mien Liefgericht! Wat dat is  un wat dor rinkümmt? Kiek man mol in dat lütte plattdüütsche Kookbook vun Plattschnackerin un Grafik-Designerin Christiane Schmidt rin: „Tüdelkraam“ heet dat.

Voriger Artikel
Wat de Buer nich kennt, dat fritt he ok nich . . .
Nächster Artikel
Een Book för lütte Schieter

Geschenkbook mit Kookrezepte un allerlei mehr.

Quelle: th

In dat Geschenkbook  steekt vun all‘ns ´n beten wat binn. Dööntjes, ole norddüütsche Rezepte, Schnacks, Riemels un de Levens-Geschicht vun Schietbüdel. De Spezialität vun Lütt Stina (dat is ehr Ökelnaam): Krickelakrack-Minschen teeken. Dat sünd Strich-Minschen, de överall in ehr lütt Book rümjachtern doot. Keen Wunner – dor gifft dat jo ok to üm to leckere Rezepte binn: Appeln un Kartüffeln, Melksupp, Rode Grütt, Pannkoken, Flederbeersupp . . . Wat för sleswig-holsteensche Leckertähn.  Un wokeen denn endli pappensatt is, de kann sik ankieken, woans Schietbüdel groot warrd – Christiane Schmidt hett sien Leven in plattdüütsche Riemels kleed.  Un so geiht dat vun’e Geburt över de grote Leev bit in‘ Heven rin. Een Book to’n Schenken, to’n Smüüstern, to’n Koken, to’n Amüseern un to’n Platt liern. För Hochdüütsche un Plattdüütsche. För Leckersnuuten un Pottkiekers. Un wenn du noch mehr vun Lütt Stina sehn willst, denn gah man mol in ehrn plattdüütschen Kooploden rin. th

Dat lütte Kookbook gifft dat ok bi uns in‘ KN-Loden to köpen.

www.luettstina.de, Tüdelkram, Christiane Schmidt, Quickborn-Verlag, 9,80 Euro, ISBN 978-3-87651-425-3

Voriger Artikel
Nächster Artikel
Mehr aus Nachrichten auf Platt 2/3