Menü
Kieler Nachrichten | Ihre Zeitung aus Kiel
Nachrichten auf Platt Morrns üm Klock acht: Koffi, Rundstück un "Hör mal 'n beten to"
Nachrichten auf Platt Morrns üm Klock acht: Koffi, Rundstück un "Hör mal 'n beten to"
Partner im Redaktionsnetzwerk Deutschland
06:00 02.04.2016
Von Heike Thode-Scheel
Ganz nieg na 60 Johr: Klappmuulpopp Herr Momsen live to sehn un to höörn. Quelle: NDR
Anzeige

De plattdüütsche Erfolgsgeschicht hett eegens sogor noch ´n beten fröher anfungen. 1927 weer Rudl Kinau all Dag för Dag mit sowat as‘n plattdüütsche Morgenplauderei in‘ Dudelkassen to höörn: „Fief Minuten gooden Wind“ oder „Sünnschien op’n Weg“ heeten de Sennungen. Dat sünd denn nahto 90 Johr Radiogeschicht. Un noch dorto op Platt.

Över eene Million Lüüd höört dor Dag för Dag to. För se is dat morrns een Aart Ritual: De Tass Koffi, dat Rundstück un „Hör mal ´n beten to“. Dat weer domols so – un dat is hüüt ok jümmers nich anners: „Wir finden, wir haben uns gut gehalten“, freut sik Andreas Schmidt ut’e NDR-Heimatredakschoon. „Heute ist „Hör mal ´n beten to“ einfach der freche, geistreiche, manchmal spitzfindige Kommentar zum Zeitgeschehen.“ Dor geiht dat ok all mol üm String-Tangas, Intimrasur, üm  Stripper un Erotik oder üm schwule Säue. „Mitten drin im richtigen Leben“, smuustert Andreas Schmidt, „nah dran am Zeitgeschehen – das soll heute unser Markenzeichen sein.“

 Dat weer fröher doch `n beten wat anners. In de Statuten vun’e Sennung stünn binn: „Heiter-nachdenkliche Betrachtungen zum täglichen Leben“. Mit tein Schrieverslüüd sünd se anfungen – mit dorbi so bekannte Lüüd Rudl Kinau, Otto Tenne, Karl Bunje, Hein Bredendiek un Irmgard Harder. De weer ganz alleen mit de Mannslüüd: „Ich sollte als jüngste und einzige Frau in der Autorenriege jede Woche ein fünfminütiges Manuskript abliefern – und das ohne jede journalistische Erfahrung. Ich hatte wirklich Angst, ja zu sagen“, so stünn dat to dat 50. Jubiläum vun „Hör mal ´n beten to“ in’e KN. Se is dor denn aver doch bigahn. Licht is ehr dat liekers nich vun’e Hand gahn. Keen Wunner: Se schull Geschichten ut’e Sicht vun’n Huusfru vertellen, de verheiraadt is. Man wieldatt se nu mol keen Huusfru weer un ok nich verheiraat, hett se Gustav erfunnen. Ehrn Keerl sotoseggen. Dat weer de Stoff, ut den se ehre Vertellen tosamenschoostert hett.

Mit’e Tiet keem ok mehr Tempo rin, mehr kritische Texte un ´n Slag Ironie. Hermann Bärthel, Wolfgang Sieg un Gerd Lüpke wüssen dormit op’t Best ümtogahn. Jümmers niege Schriever keemen dorto un sünd dörch’t Radio groot un bekannt wurrn: Karin Seifert, Reimer Bull, Ewald Christoffersen, Günter Harte, Gerd Spiekermann oder  Ina Müller mit ehre Kodderschnuut. Ilka Brüggemann, Ines Barber, Dörte Hansen, Sandra Keck, Annie Heger . . . Tja, de Fruunslüüd sünd nu bald in’e Övertahl un staht nich mehr ganz alleen dor as Irmgard Harder in de Föfftiger. De is übrigens  twintig Johr lang de eenzige Fruu wiet un siet west bi „Hör mal ´n beten to“. Un se höllt noch een Rekord: 41 Johr lang dinkt se sik jümmers niege Geschichten ut för de bekannte Reeg – un lang nich mehr dreiht sik dat in ehr Vertellen üm den doren Gustav oder Huusfruunleed. Nee, dat güng ok üm Computer, Gleichstellung, Bodybuilding,  un de „Kids“.

„Ob die Gründerväter nebst Mutter sich damals auch nur ansatzweise hätten vorstellen können, dass ihre Nachfolger einmal Intimbehaarung, Dessous-Partys oder Homosexualität thematisieren würden?“ fraagt sik Andrea Schmidt in’t Jubiläumsbook „Hör mal `n beten to – Geschichten aus 60 Jahren“. Un smitt de Antwurt glieks achterran: „Nö“. He kiekt na vöörn un kennt de Richten: „Nah dran am Zeitgeschehen – das soll unser Markenzeichen sein.“ Un jümmers mol wat Nieges utprobeern.

So as „Hör mal ´n beten to“ mit de Klappmuulpopp Werner Momsen. Glieks twee Premieren to‘n 60. Geburtsdag: Een Popp an’t Mikrofon un de is denn ok noch in‘ Film to sehn: „Dach ok, hier is de Klappmuul-Momsen . . .“

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt Een estnischen Kinnerbook-Bestseller op Platt: Wenn de Fantasie koppheister scheten deit - Een Book för lütte Schieter

Pu, de Bär, Sumsemann, de Maikäfer, Lars, de lütte witte Eisbär, Lillifee, de sööte Fee, Theo, dat Schweinchen – ach, wat sünd se zuckersööt. De lüttjen Helden ut’e Kinnerböker. „Genug mit Teddies, Feen und Häschen“, seggt de estnische Schrieversmann Andrus Kivirähk. He kann den Schiet eenfach nich mehr sehn . . . un schrifft los. He will mol wat ganz anners maken. Schiet di wat op all den Smuuskraam. Wat dorbi rutsuert is? De Kinnerbook-Bestseller „Kaka ja Kevad“. Un den gifft dat nu ok op Platt vun Heiko Frese: „De Schiet un dat Fröhjohr“.

Heike Thode-Scheel 22.03.2016
Nachrichten auf Platt Vun Klackerklümp bit Fleederbeersupp is all'ns dorbi - Een Book för Leckersnuuten un lütte Pottkiekers

Wenn een vun mien Kinner mi fragen deit: „Wat gifft dat hüüt to eten?“, denn segg ik jümmers „Swienschiet mit Dill“. Dat hett all mien Oma seggt, wenn se nich wüss, wat se op’n Disch bringen schull. Aver eens harr se jümmers tohuus: Mehl, Melk un Zucker. Un Zimt. Dor hett se denn in nullkommanix „Klackerklümp“ ut tövert. Mien Liefgericht! Wat dat is  un wat dor rinkümmt? Kiek man mol in dat lütte plattdüütsche Kookbook vun Plattschnackerin un Grafik-Designerin Christiane Schmidt rin: „Tüdelkraam“ heet dat.

Heike Thode-Scheel 04.03.2016
Nachrichten auf Platt Volker Butenschön: 40 norddüütsche Rezepte as Book - Wat de Buer nich kennt, dat fritt he ok nich . . .

Wat de Buer nich kennt, dat fritt he nich“ heet dat bi uns in‘ Norden. Worüm schall he ok över‘n Töllerrand kieken? Gifft doch so veele schöne leckere Saken bi uns to Eten. Veertig Rezepte hett de Grafiker un Schrieversmann Volker Butenschön  nu in sien Book „Plattdüütsch kökern“ tosamenröhrt.

Wat dor binn is? Hier kaamt de Zutaten: Een övergroten Suppenkell vull mit ole norddüütsche Rezepte, twee Pund Platt, twee Pund Hochdüütsch, twee vulle Eetlepel schöne Biller, twee Koffilepel vull lütte narrsche Geschichten, een lütten Lepel Riemels,  een groote Portschoon Fantasie, een Kilo Bookstaven, een halv Kilo bunte Farven, 400 Gramm Smüüsterwater, een groot Stück Wetens-Pulver, twee Kilo Künnen un een Handvull frische Ideen. Un denn is dat trech. Een echten Hochgenuss – nich blots för’n Maag. Ok för’t Oog. Volker Butenschön, de Jung ut Innien bi Aukrug,  kann mit jedeen 5-Sterne-Koch mitholln – dat steiht fast. Sien Gericht „Plattdüütsch kökern“, dat smeckt allerbest.

Heike Thode-Scheel 07.03.2016
Anzeige