Menü
Kieler Nachrichten | Ihre Zeitung aus Kiel
Nachrichten auf Platt Ohnsorgs op Reis na Kapstadt
Nachrichten auf Platt Ohnsorgs op Reis na Kapstadt
Partner im Redaktionsnetzwerk Deutschland
12:00 13.01.2017
Von Heike Thode-Scheel
Hier speelt dat Ohnsorg-Theoter: Ünner'n Tafelbarg. Quelle: oh
Anzeige

Een „Reisetheoter“ weer dat Ohnsorg-Theoter aver all jümmers. Grünnervadder Richard Ohnsorg güng geern „op Abstecher“, as he dat nöömt hett.  Mit dat Erfolgsstück „Mudder Mews“ weer he 1905 in Bremen, Kiel, Lüneborg un Elmshorn ünnerwegens. 1920 geev dat meist keen grote norddüütsche Stadt mehr, wo de Ohnsorg-Truppe nich speelt hett. Man dat weern jo blots eerst ganz lütte Abstecher in’t heele Norddüütschland. Later güng man denn op Gastspeel oder Tournee na Österreich un in’e Schwiez. Un dat kümmt noch beter: Wokeen nämli  dinkt, dat is jo man blots so’n plattes Provinz-Theoter, wat blots de Lüüd vun’t Land sehn wüllt, de is op’n Holtwech. Intendant Walter Ruppel (1986-1992) hett nix op den Schnack geven vunwegen: „De sien Broot hett, bruukt nich na Amerika üm Bodder to reisen“. He wull sien Truppe mol wat anners günnen as „die alte Ochsentour durch die plattdeutsche Provinz“. So stünn dat 1991 in’t Abendblatt.  Eegens schull dat jo na de domolige DDR hingahn. Aver: „Das wurde uns von der DDR verwehrt. Wenn nicht nach Schwerin und Rostock, dann wenigstens nach New York“, hett he sik sworen. Un wohrrafti is dat Ohnsorg-Ensemble 1990 mit 150 Fans op Gastspeel na Ameriko flogen. Pütt un Pann un de Kulissen hebbt se mit‘ Schipp över’n groten Diek schippert.    „Labskaus un Schampanjer“ vun den Kieler Schrieversmann Konrad Hansen stünn op’t Programm – un dat nich blots op’e Bühn. Denn: „`n büschen kribbelig is man ja doch“, hett Ohnsorg-Schauspelerin Hilde Sieks togeven.

Speelt hebbt se aver nich op Platt, sünnern op Missingsch – een Aart Mischen ut Hochdüütsch un Hamborger Slang.  Dat hett Tradischoon op de Gastspeele un in’t Fernsehn – denn dat schullen jo ok möglichst veele Lüüd verstahn.

 In New York weer dat ok noch gor keen Problem mit dat Verstahn. Dor leevt noch `n Barg Lüüd, de Düütsch schnacken künnt – mankeen kann sogor noch Plattdüütsch verstahn. Wat ganz anners weer dat aver op ehr Tournee na Indonesien 1991 un een Johr later na Japan. „Keiner verstand was, aber: Sehl, sehl lustig!“, stünn groot in’e Bildzeitung binn. Liekers weern alle Vörstellen utverköfft. Denn: „Während der Aufführung wurden die Dialoge übersetzt und der Text auf einer Dialeinwand neben der Bühne projiziert“, schrifft Gerd Spiekermann in sien Book över’t Ohnsorg-Theoter. Ok Intendant Walter Ruppel weer mehr as tofreden: „Schön, dass wir auch 11000 Kilometer von den Großen Bleichen entfernt erfolgreich sind“, stünn in’t Abendblatt binn.

Ok Christian Seeler is Füer un Flamm för düsse Abstecher in’e grote wiede Welt. He weer sölben all in Japan un Namibia mit dorbi. För den Intendanten is dat Ohnsorg-Theoter so wat as een Kulturbotschafter. Un dorüm schall dat düt Johr ok wedder losgahn op Tour. Mit dat Stück „Verteufelte Zeiten“ („Op Düvels Schuuvkoor“) vun Karl Bunje. Mit vun’e Partie sünd de Schauspeler Beate Kiupel, Christin Deuker, Luisa Rhöse, Patric Dull, Wolfgang Sommer un Dieter Schmitt. „Einen tollen Aufenthalt, viele Erlebnisse und natürlich volle Häuser“ . . . düsse goden Wünsche stünnen vör tein Johr in‘t Wuchenblatt vun Windhuk binn för de Ohnsorg-Truppe un ehr Fans. So schall dat ok dütmol ween.

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt Veer junge Lüüd singt vun ehr Tohuus - folkig, poppig, platt - Tüdelband: Platt-Pop ut'n Norden

„Uns geiht‘t doch ganz goot mit dat, wo wi leevt, mit dat, wat wi hebbt“, singt de „Tüdelband“ op ehr niege CD „Ganz goot“. Un dat, wat se dor singen doot, dat föhlt se ok so. Mire, Malte, Micha un Lars geiht dat richtig goot mit ehre sülvstmaakte plattdüütsche Musik. Platt-Pop nöömt se dat. Siet söven Johr dreiht sik bi de dree Jungs un de eene Deern all’ns üm’e Musik. Op’e Bühn un ok in’t echte Leven.

Heike Thode-Scheel 15.12.2016
Nachrichten auf Platt Spraak-Projekt vun'e Kieler Uni kriggt Wetenschapspries - Wie schnackt de Norden?

„Woans schnackt de Norden?“ dat hebbt sik Spraakexperten ut söss verscheden Unis in Norddüütschland fraagt. In  ehr Projekt SiN geiht dat siet 2008 üm de „Sprachvariation in Norddeutschland“. Ünner de Leit vun de Kieler Christian-Albrechts-Universität  sünd de Unis Hamborg, Bielefeld, Potsdam un Frankfurt/Oder bigahn un hebbt de Lüüd bi’t Schnacken tohöört. Un twaars twüschen Nord- un Ostsee un twüschen Oder un Rhein. Dat geiht üm de sonöömte „Sprachwirklichkeit“. Gifft dat bi uns in‘ Norden sowat as een Ümgangsspraak? Woveel Platt steekt in uns Hochdüütsch binn? Un ümgekehrt: Woveel Hochdüütsch rutscht in‘t Plattdüütsche rin? Nu hebbt de Wetenschapler för ehr Studie den Wissenschaftspries 2016 kregen.

Heike Thode-Scheel 02.12.2016
Nachrichten auf Platt De Sass is all 60 Johr – aver böös niemoodsch - Vun Tippschnack un nettbrusen

Wenn Hein Thies wat will, denn sett he sik an sien Reekner un schrifft een Nettbreef. Hett he dat aver hild, denn hoolt he glieks sien Plietschfon rut un röppt an.  Will de Plattschnacker ut Glinn weten, wat dat Nieges gifft in’e Welt, denn deit he dat mit‘ Kiekprogramm vun sien Computer.  Mit siene nahto tachentig Johr is he `n echt plietschen Nettbruser. De Plattexperte is in’t Nett tohuus as anner in ehr Goorn. Ob nu bi’t Tippsnacken, op sien egen Hööftsiet oder bi’n Tohuuskoop – offschonst – dat is nu doch nich so sien Saak. Denn Tohuuskoop is homeshopping.  Un dor hett he nix mit an‘ Hoot. Wat Nettbruser, Tippsnacken un Plietschfon is? Dat kann een in dat lütte Book „Der neue Sass – Plattdeutsches Wörterbuch“ nakieken.

Heike Thode-Scheel 18.11.2016
Anzeige