Menü
Kieler Nachrichten | Ihre Zeitung aus Kiel
Nachrichten auf Platt Platt - dat is miene Heimat
Nachrichten auf Platt Platt - dat is miene Heimat
Partner im Redaktionsnetzwerk Deutschland
13:03 18.06.2018
Von Heike Thode-Scheel
Ehr Lachen warrd uns fehlen: Renate Delfs is mit 93 storven. Quelle: dpa
Anzeige

Dat mit de Fernseh- un Schauspeel-Karriere, dat füng eerst ganz laat an. Offschoonst dat all jümmers een groten Droom vun ehr weer. Se hett sogor een Semester Theoter-Wetenschaften studeert – man denn keem de Krieg, denn kemen de Kinner. Vergeten hett de Flensborgerin ehrn Droom liekers nich. Mit veertig reep se denn ganz driest bi de Nedderdüütsche Bühn in Flensborg an: „Künnt ji mi bruuken“. Se kunnen. Föfftig Johr is se de Nedderdüütsche Bühn treu bleven: „Das ist und bleibt meine Welt!“ Plattdüütsch weer eben ehr leevst Hobby: „Vadder wull so geern, datt ik Platt schnacken schull – aver ik heff mi dat ümmer nich truut. Un wenn ik dat denn mol probeert heff, denn hett he glieks seggt: „Deern, du schnackst all wedder geel“, hett mi Renate Delfs vör dree Johr vergnöögt vertellt.

Egens is se jo ok eerst dörch Platt berühmt wurrn. In de Quizshow „Am laufenden Band“ vun Rudi Carrell. 1976. Dor weer de Flensborgerin nämli mit ehrn Söhn tosamen Kandidatin un hett vertellt, datt Plattdüütsch ehr Hobby is: „Plattdeutsch. Als Hobby? Und was machen sie da dann mit“, wunnerwark Rudi Carrell . . . „Ich spiel Theater“, sä se un keek wiss. „Dadurch wurde man bekannt as so’n bunten Hund.“

Dat weer de Beginn vun ehre Fernseh- un Kinokarriere. Datt se tomeist de „komische Alte“ oder de „Vorzeige-Oma“ spelen müss, dat hett ehr nix utmaakt:  „Schienbor is Old-sien in“, weer ehr drögen Kommentar. Liekers hett de Plattschnackerin de Nedderdüütsche Bühn in Flensborg un ehr Modderspraak nienich vergeten: „Plattdüütsch, dat is miene Heimat. Dat is mien Tohuus“, swöögte Renate Delfs domols an’t Telefon. Dorbi weer se eegens gor keen „Native speaker“, as dat so schön niemoodsch heten deit: „Wir waren Kinder genug in der Straße . . . aber Plattdeutsch geredet haben wir alle nicht. Und trotzdem ist es so, als hätte ich Plattdeutsch gehört und verstanden, seit ich denken kann“, schrifft se in ehr Book „Nimm mich mit nach Gestern . . .“ As de Deern 1942 to‘n Ernteinsatz op’n Dörpen müss, weer dat mit’e Spraak nich eenfach: „Wenn ich Hochdeutsch sprach, kam ich mir vor, als wenn ich mit Stöckelschuhen im Hühnerstall tätig war, und wenn ich das auf Plattdeutsch versuchte, wurde ich ausgelacht.“ Steen sammeln, utmisten, Köh möten, Disteln utsteken – „davon habe ich in meinem Leben nicht mehr viel brauchen können. Aber dass ich damals mit Plattdeutsch in Gang gekommen bin, darüber freue ich mich heute noch.“ De plattdüütsche Spraak as Dialekt to werten, dor verwohr se sik gegen: „Das ist eine wunderschöne alte Sprache mit einem besonderen Witz und einer besonderen Feinfühligkeit.“

Delfs hett Theoterstücke un Böker översett, sölben plattdüütsche Böker schreven, Cds opnohmen un Lesungen maakt. Un se harr noch een ganz besünnere Leidenschaft: De ole Flensborger Petuh-Spraak. Dat is ‘n Mischen ut Plattdüütsch, Däänsch, Plattdäänsch  un Hochdüütsch. Twee Petuh-Böker sünd vun ehr rutkamen un een Audio-CD. För all ehr Doon üm de beiden Spraken un ehr Engagement för ehr Heimat is se as eerste Fru Ehrenbürgerin vun ehr Heimatstadt wurrn. Mit 89 Johr. Ganz faaten kunn de Schauspeelerin den ganzen Rummel domols nich: „Ich hab‘ ja immer nur getan, was mir Spaß gemacht hat“, wunnerwark se bescheeden. Nu hett se de Ogen för ümmer to maakt: „To’n Leben hört de Dood, so will’t de lewe Gott“, hett uns Dichtersmann Johann Hinrich Fehrs riemelt.

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Nachrichten auf Platt Dat güng rund: Leeder-Wettstriet op Platt - Bombenstimmung bi plattbeats

„Middewiel heff ik ok wedder Stimm – ik heff teemli veel rümbölkt“, smuustert de Böverste vun’t Plattzentrum in Holsteen. Thorsten Börnsen is Füer un Flamm för den plattdüütschen Leeder-Wettstriet „Plattbeats“: „Dor weer Hip-Hopp dorbi, Punk, Rap un sogor `n Metallband mit frien Oberkörper. Dat weer’n Highlight“. Dat weer sehr bunt un sehr ünnerschedli, swöögt de Plattschnacker, de den Band-Wettbewarb tosamen mit dat Ohnsorg-Theoter op’e Been stellt hett. Stütt un Stöhn kriggt dat Projekt ok noch vun’e Behörde för Wetenschap, Forschen un Gliekstellen in Hamborg. Mitmaken künnt Musiker twüschen 15 un 30 Johr. De mööt aver nich unbedingt Platt schnacken, denn se künnt ehr Leeder mit Platt-Experten ut dat Team op Platt överdrägen. Singen mööt se denn aver op Platt – dat versteiht sik vun sölben. Un dat is ok glückt. „Dat weer en Bombenstimmung“, freut sik Thorsten Börnsen. „De Lüüd weern ganz schön ut’e Tüüt.“

Heike Thode-Scheel 13.05.2018
Nachrichten auf Platt "So un annersrüm" - Plattbook för Lütt un Groot - Cool, modern, frisch un fidel

Dat Containerschipp is groot, de Schlepper lütt. Dat Franzbrood is sööt, dat Fischbrood soltig. De Grog is hitt un dat Beer koolt. De Damper is luud un dat Seilschipp liesen. De Welt is kuntreer. Mol is se so un mol annersrüm. Jüst so is dat ok mit’e Spraak. Mol is se hoch un mol is se Platt bi uns in Norddüütschland. Mit all düsse Elemente speelt de Hamborger Illustratorin Tanja Esch in ehr lütt Book „so un annersrüm – Das kleine Hamburg-Buch der Gegensätze“. Dor warrd en op fidele Aart Platt bipuult un en liert bavento ok noch en Barg över Norddüütschland, över Hamborg un över de norddüütschen Minschen.

Heike Thode-Scheel 13.05.2018
Nachrichten auf Platt De dree Comic-Pörkse liert nu ok Plattdüütsch - De Abrafaxe kaamt to uns

De Abrafaxe weern all överall in’e grote wiede Welt: In Ägypten,  Australien, jo sogor in China un Japan, Malaysia, Indien un Ameriko. Un natürli ok överall in’t heele Europa. De dree Comic-Pöörkse weern aver nich blots överall in’e Welt ünnerwegens, se weern ok överall in’e Weltgeschicht togang: Ob nu in’t Middelöller, in’t ole Rom, in‘e Wikingertiet oder in’t Mesozoikum bi de Dinos. Se hebbt bi Luther mit an‘ Disch seten, hebbt Nofretete de Hand holln, de Pracht vun‘ Sünnenkönig bewunnert un de Samurai bi’t Kämpfen tokeken. Düwelskeerl Abrax, de plietsche Brabax un de kommodige Califax beleevt natürli en Barg Aventüür bi ehre Reisen dörch Tiet un Ruum.  Un – kuum to glöven - dat all siet 42 Johr. Nu geiht dat na Norddüütschland. De Abrafaxe sünd düt Johr op’e Sporen vun’e Hanse. Se söökt den Gold-Schatz vun’e Likedeeler. Un dor kaamt se villicht ok in Kiel vörbi. Kiel weern nämli ok mol Hansestadt. Se kriegt dat mit’n Barg Gold to doon, mit lecker Marzipan ut Lübeck un mit so’n snaaksche Spraak mit den Naam „Plattdüütsch“. De eersten twee Comic-Hefte sünd nu graad rutkamen. Jedeen Maand künnt de groten un lütten Leser nu en nieges Aventür in’e Hansetiet studeern.

13.05.2018
Anzeige