Menü
Kieler Nachrichten | Ihre Zeitung aus Kiel
Nachrichten auf Platt Platt jüst so as en Fremdspraak liern
Nachrichten auf Platt Platt jüst so as en Fremdspraak liern
Partner im Redaktionsnetzwerk Deutschland
07:37 18.05.2016
Bald künnt de lütten Plattsnacker ok een Platt-Schoolbook mit na Huus nehmen. Quelle: Dirk Schneider
Anzeige

För Perfesser Dr. Werner Reinhart, Präsident vun’e Europa-Uni, is de Saak mit dat Platt-Schoolbook ganz natürli – denn de Uni würr jo in een Mehrspraaken-Region liggen, „entsprechend bedeutsam ist für uns die Erforschung von Regional- und Minderheitensprachen – aber auch deren Vermittlung“.

Siet twee Johr steiht nu all Plattdüütsch op’n Stünnenplaan in Sleswig-Holsteen. Un twaars an 29 Modellscholen in’t heele Land. Bit to’n Enn vun’t Schooljohr 2016  sünd denn all över 2000 Kinner dorbi, Plattdüütsch to liern. Dorbi geiht dat üm den „Spracherwerb“  un nich blots üm de „Sprachbegegnung“. Dat heet: Hier warrd Platt-Ünnerricht op’e Grundlaag vun’e moderne Fremdspraken-Didaktik maakt. Mögli wurrn is dat all’ns dörch den  sonöömten „Handlungsplan Sprachenpolitik“. Een Schwerpunkt vun den doren Plaan is nämli  dat Thema Bildung: „Unser Leitbild ist ein geschlossener Bildungsgang in den Regional- oder Minderheitensprachen“, heet dat dor.

 Sietdem geiht dat nu örnli vöran. Verleden Johr hebbt se dat eerste Plattdüütsch Schoolbook för de eerste un tweete Klass rutgeven: „Paul un Emma snackt Plattdüütsch“. Dorto gifft dat  nu ganz frisch een Internetsiet mit ganz veel Materiol för Kinner un Schoolmeister.

Dat warrd also Tiet för den nächsten Schritt.  En Platt-Schoolbook för de drütte un veerte Klass: „Dat Stichwoort för uns heet: Platt as Fremdspraak. Dat is een ganz niege Idee. Wi wüllt dor mit de sölben didaktischen Methoden rangahn as bi Engelsch oder Franzöösch ok“, vertellt Robert Langhanke. Em to Siet staht söss Plattexperten: Thorsten Börnsen vun’t Platt-Zentrum Holsteen, Marianne Ehlers vun‘ Heimatbund, Dr. Reinhard Goltz vun’t Institut för Nedderdüütsche Spraak (INS), Ingwer Oldsen vun’t Platt-Zentrum Leck, Ernst Blunck-Brandtner vun’t Institut för Qualitätsentwicklung in’e School (IQSH) un Karen Nehlsen vun’t RBZ Kiel (se hett all anner Schoolböker mit op’n Wech bröcht). Un denn kaamt dor jo ok noch een poor Studenten mit dorto. Hier loopt veele Kompetenzen tosamen to een groten Dutt vun Weten un Künnen.

„En Glücksfall“, meent Robert Langhanke, „denn dat warrd nich ganz eenfach. Wi mööt dat all’ns nieg utdinken. So een Lehrbook för Platt in’e drütte un veerte Klass gifft dat noch nich. Dor weet wi in Platt noch nich soveel vun.“ Liekers hebbt se all een Masse Ideen un kloor is ok all: „Wi mööt ok mit’e Engelsch-Didaktiker snacken.“ Denn dat schall jüst so as in’e Engelsch-Böker Lektionen geven, Opgaven, Radels, Vokabeln un ok een beten Grammatik. Denn Robert Langhanke weet ut egen Erfohren: „Blots mit Spaaß kannst keen Platt liern.“

Kommentare
Die Debatte geht am Morgen weiter
Die Kommentarfunktion ist zwischen 22:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Platt maakt Slagzeilen! Dat kümmt ok nich alle Dag vör. Siet Kultusminister Mathias Brodkorb in sien Lannesheimatprogramm för Mecklenburg-Vorpommern „Niederdeutsch bis zum Abitur“ ankünnigt hett, geiht dat in‘e Presse un Foren rund. Sleswig-Holsteen is all op’n Wech vunwegen Platt vun’e Kitas bit to de Hochschool.

Heike Thode-Scheel 02.05.2016
Nachrichten auf Platt Birgit Pauls schrifft scharpe Saken op Platt - Bi ehr geiht dat to Saak

Fototermin an‘e Obereider in Rendsborg. De Erotik- un Krimi-Autorin Birgit Pauls alias Lilly Block is op‘n Koffi to‘n Platt-Schnack komen. Dat Licht an‘ fröhen Namiddag is goot, de Wind puust – also los. Wieldess ik de Kamera kloor maak, tüdelt Birgit Pauls flott ehrn överlangen Zopp op un schüddelt routineert een Waterfall ut ehr meterlang bruun Hoor daal. Wow. Een eensome Spazeergänger luert verwunndert na uns röver . . . Wat wi beiden Froons nu woll sien Phantasie in‘e Gang sett hebbt?

18.04.2016
Nachrichten auf Platt 60 Johr gifft dat de Radio-Reeg - jedeen Dag höört 1 Million Lüüd to - Morrns üm Klock acht: Koffi, Rundstück un "Hör mal 'n beten to"

„Gunmorgen, all Ji leeben Froonslüd un Mannslüd un Jungs un Dierns! Fein, Dat ji al vör`n Kaffedrinken upstohn sünd, un hebbt joon Radiokasten al anknippst, un wöllt al mol’n beten tohöörn . . .“ meent Rudl Kinau an‘ 3. April 1956 in’t Radio. Dat is Punkt Klock acht un in’t Sendeprotokoll steiht binn: „Hören sie heute das erste Mal auf UKW die plattdeutsche Morgenplauderei „Hör mal ´n beten to“. Viele unserer Hörer erinnern sich noch an diese Sendung auf der Mittelwelle. Künftig plaudert an jedem Wochentag um diese Zeit ein Plattdeutscher auf UKW. Heute beginnt Rudolf Kinau.“ 60 Johr is dat nu her.  „Hör mal ´n beten to“ is dormit de öllste Radiosennung, de hüüt noch in’t Radio lopen deit. Un dat mit övergrooten Erfolg.

Heike Thode-Scheel 23.03.2016
Anzeige