Menü
Nachrichten auf Platt

„Ich hab‘ da eine Frage: Ich kenn‘ von früher so ein Gedicht, da kommt Hein drin vor und irgendwas mit Weihnachten. Das haben wir damals in der Schule gelernt. Können sie mir helfen?“ Kloor kann ik dat – tomeist jedenfalls.  Denn wöhl ik so’n beten in’t Nett rüm oder kiek in mien Platt-Schapp na oder ik fraag ok mol de Experten. Dat gifft nämli middewiel veele verscheden Steeden, wo de Plattschnacker Hölp finnen künnt. Ob dat nu üm en Gedicht geiht, üm en wetenschapli Fraag, üm Översetten, üm Texte, üm Arbeitsmateriol, üm Fragen to de Regionolspraak, üm Veranstalten, Förderungen  oder üm de Rechte vun‘e Plattdüütschen. För jedeen Fall gifft dat en Instituschoon oder en Person, de Stütt un Stöhn geven deit.

Heike Thode-Scheel 02.07.2018

Ob gedruckt oder digital, ob Probe-Abo oder Sonderaktion: Entdecken Sie unsere aktuellen Abo-Angebote. Und mit AboPlus können Abonnenten sogar Geld sparen und von attraktiven Rabatten profitieren. Bleiben Sie auf dem Laufenden und erfahren Sie, was die Welt und unsere Region bewegt.

Nachrichten auf Platt

Buernhoff-Pädagogik: Siet 25 Johr der Renner in Sleswig-Holsteen - Magic moments op Platt

„Boah, das riecht hier drinnen so komisch“, jault de lütt Lazar, as he in‘ Kohstall rinkümmt. He höllt sik lever glieks mol de Nees to un kiekt wat opsternaatsch. „Iigitt, die kackt“, röppt en anner Buttjer. Liekers will he de Swattbunte geern mol an’e Nees anfaaten: „Iii, das fühlt sich ganz glibschig an.“ Un as denn noch de lange Tung op em to kümmt, nimmt he Rietut. Fatma Nur dorgegen hett all de lütt Schüffel in’e Hand un will de Köh fodern. Se is Füer un Flamm: „Wir sind jetzt Kuhmenschen“, seggt se wiss un truut sik noch en lütt Stück dichter an den groten Kohkopp ran. Un swupps . . . warrd se eenmol vun’e Koh afslickt. Man se lacht sik en. „Die Kühe essen aber komisch“, wunnerwarkt Machmut un schüfft dat Heu wat dichter an’e Koh ran: „Ich hab‘ jetzt eine Kuhfreundin“, swöögt he stolt. Das war soooo toll!“ „So, denn wüllt wi mol de Köh rutlaten“, röppt Birgit Erichsen dortwüschen un denn suust de ganzen Kinner los. „In‘ Kohstall warrd nich rennt!“ wohrschaut se un lacht sik en. Se kennt dat all. Denn siet twölf Johr  maakt de Buersfru op ehrn „Buernhoff „Schnepfennest“ bi Dannewerk nu all „Bauernhof-Pädagogik“. An‘ leevsten op Platt – aver se kann ok Hochdüütsch.

Heike Thode-Scheel 18.06.2018
Nachrichten auf Platt

Renate Delfs is dörch Platt berühmt wurrn - Platt - dat is miene Heimat

Toveel Aggewars üm ehr Person, dat kunn se nich lieden: „Man muss sich nicht so wichtig nehmen und immer schön dankbar sein für das, was man hat.“ Dat weer so’n Schnack vun Renate Delfs. Un se weer  förwiss dankbor för dat, wat se harr un wat ehr an’t Hart leeg: De Schauspeelerie, Plattdüütsch, Petuh un de Schrieverie. Nu is de wunnerbore Flensborger Schauspeelerin mit 93 Johr in ehr Heimatstadt storven. Wat hett de Plattschnackerin nich all’ns för Rulln speelt in’t Fernsehn: Se weer bi’n „Landarzt“ mit dorbi, bi’t „Großstadtrevier“, „Büttenwarder, „Tatort“, „Adelheid und ihre Mörder“, bi de „Pfefferkörner“un veele, veele anner Serien un Filme. Toletzt stünn Renate Delfs as Amanda in „Büttenwarder“ vör de Kamera. Dat weer verleeden Johr. De smucke Fru mit’e witten Hoor weer dormit een vun’e öllsten Schauspeelerinnen, de noch spelen doot. De Fernsehrullen weern ehr middewiel lever, as op’e Bühn to stahn. Denn „da kann man einen Text auch mal wiederholen.“

Heike Thode-Scheel 18.06.2018
Nachrichten auf Platt

Dat güng rund: Leeder-Wettstriet op Platt - Bombenstimmung bi plattbeats

„Middewiel heff ik ok wedder Stimm – ik heff teemli veel rümbölkt“, smuustert de Böverste vun’t Plattzentrum in Holsteen. Thorsten Börnsen is Füer un Flamm för den plattdüütschen Leeder-Wettstriet „Plattbeats“: „Dor weer Hip-Hopp dorbi, Punk, Rap un sogor `n Metallband mit frien Oberkörper. Dat weer’n Highlight“. Dat weer sehr bunt un sehr ünnerschedli, swöögt de Plattschnacker, de den Band-Wettbewarb tosamen mit dat Ohnsorg-Theoter op’e Been stellt hett. Stütt un Stöhn kriggt dat Projekt ok noch vun’e Behörde för Wetenschap, Forschen un Gliekstellen in Hamborg. Mitmaken künnt Musiker twüschen 15 un 30 Johr. De mööt aver nich unbedingt Platt schnacken, denn se künnt ehr Leeder mit Platt-Experten ut dat Team op Platt överdrägen. Singen mööt se denn aver op Platt – dat versteiht sik vun sölben. Un dat is ok glückt. „Dat weer en Bombenstimmung“, freut sik Thorsten Börnsen. „De Lüüd weern ganz schön ut’e Tüüt.“

Heike Thode-Scheel 13.05.2018
Anzeige
Nachrichten auf Platt

"So un annersrüm" - Plattbook för Lütt un Groot - Cool, modern, frisch un fidel

Dat Containerschipp is groot, de Schlepper lütt. Dat Franzbrood is sööt, dat Fischbrood soltig. De Grog is hitt un dat Beer koolt. De Damper is luud un dat Seilschipp liesen. De Welt is kuntreer. Mol is se so un mol annersrüm. Jüst so is dat ok mit’e Spraak. Mol is se hoch un mol is se Platt bi uns in Norddüütschland. Mit all düsse Elemente speelt de Hamborger Illustratorin Tanja Esch in ehr lütt Book „so un annersrüm – Das kleine Hamburg-Buch der Gegensätze“. Dor warrd en op fidele Aart Platt bipuult un en liert bavento ok noch en Barg över Norddüütschland, över Hamborg un över de norddüütschen Minschen.

Heike Thode-Scheel 13.05.2018

Kostenloser Rätselspaß - Kreuzworträsel online lösen

Stellen Sie Ihre Allgemeinbildung auf die Probleme mit dem täglich neuen Online-Kreuzworträtsel. Jetzt hier kostenlos online spielen!

Nachrichten auf Platt

De dree Comic-Pörkse liert nu ok Plattdüütsch - De Abrafaxe kaamt to uns

De Abrafaxe weern all överall in’e grote wiede Welt: In Ägypten,  Australien, jo sogor in China un Japan, Malaysia, Indien un Ameriko. Un natürli ok överall in’t heele Europa. De dree Comic-Pöörkse weern aver nich blots överall in’e Welt ünnerwegens, se weern ok överall in’e Weltgeschicht togang: Ob nu in’t Middelöller, in’t ole Rom, in‘e Wikingertiet oder in’t Mesozoikum bi de Dinos. Se hebbt bi Luther mit an‘ Disch seten, hebbt Nofretete de Hand holln, de Pracht vun‘ Sünnenkönig bewunnert un de Samurai bi’t Kämpfen tokeken. Düwelskeerl Abrax, de plietsche Brabax un de kommodige Califax beleevt natürli en Barg Aventüür bi ehre Reisen dörch Tiet un Ruum.  Un – kuum to glöven - dat all siet 42 Johr. Nu geiht dat na Norddüütschland. De Abrafaxe sünd düt Johr op’e Sporen vun’e Hanse. Se söökt den Gold-Schatz vun’e Likedeeler. Un dor kaamt se villicht ok in Kiel vörbi. Kiel weern nämli ok mol Hansestadt. Se kriegt dat mit’n Barg Gold to doon, mit lecker Marzipan ut Lübeck un mit so’n snaaksche Spraak mit den Naam „Plattdüütsch“. De eersten twee Comic-Hefte sünd nu graad rutkamen. Jedeen Maand künnt de groten un lütten Leser nu en nieges Aventür in’e Hansetiet studeern.

13.05.2018
Nachrichten auf Platt

Düt plttdüütsche Märken kennt jedeen - Swinegel un Haas

„Disse Geschicht is lögenhaft to vertellen, Jungens, aver wahr is se doch! Denn mien Grootvader, van den ick se hew, plegg jümmer, wenn he se mi vörtüerde, dabi to seggen: ‚Wahr mutt se doch sien, mien Söhn, anners kunn man se jo nich vertellen!“ Wat dat för’n Geschicht is, üm de dat hier geiht? Na, üm dat Märken „Wettlopen twischen den Haasen un den Swinegel“. De kennt doch jedeen Kind. Wenn de lütt Swinegel so driest ropen deit: „Ick bün all hier“. Un de Haas verbaast un puustig dorsteiht un de Welt nich mehr versteiht. Un jümmers wedder loslöppt mit flegen Ohrn un liekers jümmers to laat is. Optletzt blifft he doot op’n Acker liggen. Düt wunnerbore ole Märken steiht op Hochdüütsch in jedeen Schoolbook binn. Dor sünd de Bröder Grimm an Schuld. De hebbt dat in ehr Märkensammeln enfach översett.  Man dat Originol, dat is op Plattdüütsch. En Meisterstück - vertellt vun Wilhelm Schröder.

Heike Thode-Scheel 13.05.2018
Nachrichten auf Platt

Lännerzentrum Nedderdüütsch maakt sik an'e Arbeit - De Stüerfru is endi an Bord

„Neue Chefin für Niederdeutsches Länderzentrum – Christianne Nölting warrt Baas vun’t Lännerzentrum in Bremen un Hamborg, Neddersassen  un Schleswig-Holsteen sitt mit in’t Boot“ -  quiddert de Pressesteed vun‘ Bremer Senat. Siet 1. März hett dat niege Lännerzentrum för Nedderdüütsch (LZN) nu also en Geschäftsführerin. Knapp dree Maande is dat nämli  all her, datt de Länner Bremen, Sleswig-Holsteen, Hamborg un Neddersassen dat niege Platt-Zentrum op’e Been stellt hebbt. Stütt un Stöhn kriggt dat LZN vun’e veer norddüütschen Länner. Un twaars 271 000 Euro: Neddersassen övernimmt mit 117 000 Euro den gröttsten Deel, Bremen stüert 80 000 Euro dorto, Sleswig-Holsteen 42 000 un Hamborg 30 000 Euro. Dat is jüst dat Geld, wat de Länner över veertig Johr lang dat Institut för Nedderdüütsche Spraak (INS) in Bremen tostüert hebbt.

Heike Thode-Scheel 15.03.2018
Nachrichten auf Platt

Hertha Borchert - en grote plattdüütsche Schrieversfru - Platt in' Kopp un in't Hart

Egens weer Hertha Borchert jümmers blots „die Mutter von Wolfgang Borchert“. Se weer de Fru, de ehrn starvenskranken, berühmten Söhn Dag un Nacht pleegt hett. Se weer de Fru, de sik mit all ehr Knööf üm‘n Nachlass kümmert hett. De laterhen op jedeen Premiere vun sien Drama „Draußen vor der Tür“ opdüükert is un de in ehr lütt Wahnung för all de jungen Lüüd dor weer, de mehr vun ehr Idol Wolfgang Borchert höörn wullen. Wat keeneen wuss: Hertha Borchert hett sölben Gedichte un Vertellen schreven. Op Platt. De Deern ut dat lütte Dörp Kirchwerder in’e Veerlannen hett mit ehr Schrieverie  groten Erfolg hatt. In’e  Dörtiger Johr weer se jüst so bekannt as Hermann Claudius, Otto Tenne oder Rudl Kinau. Experten meent sogor, datt `n beten wat vun ehrn Schrievstil ok op Wolfgang Borchert affarvt is.

Heike Thode-Scheel 26.02.2018
Anzeige
1
Nachrichten auf Platt

De dree Comic-Pörkse liert nu ok Plattdüütsch - De Abrafaxe kaamt to uns

2
Nachrichten auf Platt

"So un annersrüm" - Plattbook för Lütt un Groot - Cool, modern, frisch un fidel

3
Nachrichten auf Platt

Henning Kothe is Tenor, Dokter un noch veel mehr - Düsse Dokter singt Arien op Platt

4
Nachrichten auf Platt

"Er hat alle fünf Sprachen seines Winkels gekonnt" - Emil Nolde is en Sprakenkünstler

5
Nachrichten auf Platt

Renate Delfs is dörch Platt berühmt wurrn - Platt - dat is miene Heimat

6
Nachrichten auf Platt

Dat güng rund: Leeder-Wettstriet op Platt - Bombenstimmung bi plattbeats

1
/
1
Anzeige