2 ° / -5 ° wolkig

Navigation:
De Stille Nacht

Weihnachtsgedicht De Stille Nacht

von Gero Janovsky

Wiehnachtsleeder wo du geihst

Wiehnachtsleeder wo du steihst

 -

Ut Radio, Fernsehn, MP drei

den ganzen Dag de Dudelei

blots Stille Nacht un Jinglebell

mi platzt tomeist dat Trummelfell

 -

Eerst op de Straat un denn tohus

den ganzen Dag lang Wiehnachts-Schmus

dat Rentier Rudi löppt sik doot

sien Näs weer vörher al ganz rot

 -

De Engel mööt den Seegen bringen

un sünd denn aasig dull an singen

de Heiland is in´ Stall geboren

klingt mi dat gräsig in de Ohren.

 -

Dusend mol heff ik dat hört

dusend mol hett mi dat stört

ik heff sinneert un heff mi dacht

still schall se sien, de Stille Nacht

Voriger Artikel
Nächster Artikel
Mehr aus Weihnachtsgedichte 2/3