Menü
Kieler Nachrichten | Ihre Zeitung aus Kiel
Anmelden
Schleswig-Holstein Hier gifft dat Hölp för Plattschnacker
Nachrichten Schleswig-Holstein Hier gifft dat Hölp för Plattschnacker
Partner im Redaktionsnetzwerk Deutschland
08:22 29.06.2018
Von Heike Thode-Scheel
En kann in't Wöörbook naslaan - aver een kann ok de Platt-Experten fragen, wenn dat üm Plattdüütsch geiht. Quelle: th

Minderheitenbeauftragter

Ganz baven steiht de „Beauftragte des Ministerpräsidenten in Angelegenheiten nationaler Minderheiten und Volksgruppen, Grenzlandarbeit und Niederdeutsch“. Oder kort: De Minnerheitenbeopdragte. Un dat is Johannes Callsen. De is för dat grote Ganze tostännig. För de hoge Politik sotoseggen, aver ok för dat Miteenanner un de Tosamenarbeit twüschen de verscheden Vereene, Inrichten, Organisaschoonen un Ministerien. De Plattschnacker steiht Ministerpräsident Daniel Günther as Berader to Siet, wenn dat üm’e Förderung un Pleeg vun’e Plattdüütsche Spraak geiht. Un natürli ok, wenn dat üm’e Europäische Sprakencharta geiht. He is aver ok de Ansprechpartner för de plattdüütschen Gremien as den Plattdüütschen Raat, den Biraat, den Heimatbund oder de Zentren un enkelten Vereene.

Nedderdüütsch-Sekretariat

Dat Nedderdüütsch-Sekretariat is noch ganz frisch – dat is graad mol een halves Johr in Hamborg in’e Gang. Hier schüllt de „sprachpolitischen Interessen der Sprechergruppen vor allem gegenüber den zuständigen Ansprechpartnern in den Regierungen und Parlamenten aktiv vertreten werden“, so heet dat in’t Papeer. Christiane Ehlers is de Chefin. Se griept nich blots den Bunnesraat för Nedderdüütsch ünner de Arms, se schall ok dorför oppassen, datt de Charta vun’e Regionol- un Minnerheitenspraaken in’e Länner ümsett warrd. Bavento is de Plattschnackerin för Projekte rund üm’e plattdüütsche Spraak tostännig.

Institut för Nedderdüütsche Spraak INS

„Dat INS sett sik för dat Plattdüütsche in, wo dat man jichtens geiht. Dat steiht paraat för all Lüüd, mit Raat un mit Hölp“, heet dat op’e Internetsiet. Över 40 Johr is dat Institut in Bremen nu all för alle Fragen rund üm de Plattdüütsche Spraak tostännig. Dat fangt mit lütte Fragen över Riemels an un höört mit wetenschapli Projekte op. Raat hoolt sik dor ok Scholen, Kinnergoorns, Theoter, Karken, de Medien, de Politik un de Unis. Un dat INS sammelt all’ns, wat över Platt rutgeven warrd: Böker, Tietschriften, Theoterstücke, wetenschapli Arbeiten, CDs . . . 44 Johr hebbt de  veer norddüütschen Bunneslänner dat Institut mit 271 000 Euro fördert. Siet 2018 mööt se nu op egen Fööt stahn.

LZN Lännerzentrum Nedderdüütsch

Siet 1.1.2018 gifft dat nu dat Lännerzentrum för Nedderdüütsch in Bremen. Sleswig-Holsteen, Hamborg, Bremen un Neddersassen hebbt dat Zentrum op’e Been stellt un fördert dat mit de 271 000 Euro, de vörher dat INS kregen hett. Böverste vun’t Zentrum is Christianne Nölting. Se schall tosamen mit ehre Mitarbeiter „Gremien, Organisationen und Vereine, die sich für das Niederdeutsche einsetzen, beraten“. Dat is en Koordinierungs- un Nettwarksteed för de Bildung, Kultur un Wetenschap. Aver natürli ok för de Plattschnacker. Christianne Nölting will en groot Serviceportal in’t Nett opbuun, wo sik denn jedeen bedeenen kann. To Tiet is aver leider nich blots de Internetsiet vun‘t LZN noch  in‘ Opbuu, sünnern ok dat ganze Ümunbi. Liekers will de Fachfru geern för de Lüüd per Telefon dor ween.

Plattdüütsch-Zentren Leck/Holsteen

„Die beiden Niederdeutsch-Zentren leisten wichtige Breitenarbeit für Plattdeutsch und sind für alle diejenigen, die sich für die niederdeutsche Sprache engagieren, anerkannte Ansprechpartner“, hett uns Minnerheitenbeopdragte Johannes Callsen seggt. Dat een Zentrum liggt in Leck. Dor hett Gesa Retzlaff de Leit. För dat anner Zentrum in Mölln is Torsten Börnsen tostännig. De beiden Plattschnacker sünd för alle Lüüd dor, för Gruppen, Scholen. Kinnergoorns, Vereene un ok för di un mi. Se sorgt sik üm Fortbillen, bringt Seminare un Projekte op’n Wech, sünd Stütt un Stöhn för alle Aktivitäten in’e Region, se bringt de Lüüd tosamen un arbeit mit’e Politik tohoop. Natürli weet de beiden ok Bescheed, wokeen för de enkelten Rebeete in Platt tostännig is un wo dat de richtige Hölp gifft. Un dat all siet 25 Johr.

Sleswig-Holsteensche-Heimatbund SHHB

De Heimatbund sett sik blangen all de annern Rebeete ok för Plattdüütsch un Freesch in. Marianne Ehlers is as Referentin för all de Fragen to ehr Moderspraak tostännig. Hier löppt all’ns tosamen, wat mit Platt to doon hett. Ob dat nu üm den Wettbewarb „Schöler leest Platt“ geiht, üm Seminare, School-Erlasse, Bökerkisten för Kinnergoorns oder plattdüütsche Schoolböker. Hier gifft dat jümmers Antwurt op all de Fragen. Marianne Ehlers is nich blots Plattschnackerin, sünnern ok Schrieversfru, Referentin un Bibliothekarin. Un se hett en groot Nettwark, wat Plattdüütsch angeiht.

In Schleswig-Holstein steigt die Spannung, ob die Wikingerstätten Danewerk und Haithabu an diesem Wochenende zum Weltkulturerbe ernannt werden. „Wir sind alle total aufgeregt, ob in Bahrain oder in Schleswig“, sagte die Sprecherin des Archäologischen Landesamtes in Schleswig, Birte Anspach.

29.06.2018

Die Umstände der Flucht eines verurteilten Mörders aus einer psychiatrischen Klinik in Lübeck sind weiter unklar. Die Klärung werde noch einige Zeit dauern, sagte die Leiterin der Justizvollzugsanstalt (JVA) Lübeck, Silke Nagel, am Donnerstag.

28.06.2018

Der lang erwartete Bericht von Sonderermittler Klaus Buß (SPD) zur Rocker-Affäre ist fertig. Der Parlamentarische Untersuchungsausschuss hat das 400-Seiten-Papier beim Innenministerium angefordert. Die Kernaussagen des Berichts sollen am Freitag kommender Woche vorgestellt werden.

Bastian Modrow 28.06.2018