Menü
Kieler Nachrichten | Ihre Zeitung aus Kiel
Anmelden
Schleswig-Holstein Bombenstimmung bi plattbeats
Nachrichten Schleswig-Holstein Bombenstimmung bi plattbeats
Partner im Redaktionsnetzwerk Deutschland
12:00 07.05.2018
Von Heike Thode-Scheel
De Band "Standbild" hett den Leeder-Wettstriet wunnen. Quelle: Marc Rickertsen
Anzeige

Schirmherr vun den Band-Wettbewarb is uns Parlamentspräsident Klaus Schlie. „Das war eine tolle Sache“, swöögt, „man konnte tolles Plattdeutsch hören und man sollte gucken, wie man das auch weiterführen kann. Ich glaube, das ist eine Supergeschichte“, is sik de Plattfan seker.  Denn eens is för em wiss: „Diese Altersgruppe ist ganz schwer zu erreichen.“ He wünscht sik för de Tokunft, datt sik de plattdüütsche Leeder-Wettstriet op‘n heelen Norden utbreden deit. In Neddersassen gifft dat all siet söven Johr den Wettbewarb „Plattsounds“. Un worüm nu graad so’n Musik-Wettstriet? Dormit se ok de jungen Lüüd mit Platt bi de Büx kriegen doot. Denn de Olen schnackt jo noch Platt - un de Kinner liert dat jüst wedder in‘e Platt-Modellschlen – aver de dortwüschen, de sünd jichtenswann verlustig gahn. Un dor mutt een gegenanstüern, meent Thorsten Börsen.

Siet Harvst sünd de Musiker ut’n Norden nu all in’e Gang mit komponeern, musizeern, pröven un Platt instudeern. Tein Band un enkelte Musiker stünnen optletzt in’t Finale. In den Hamborger Club „Logo“ güng dat denn üm de Wust. Un dor weer de Sau los: „In so’n Grootstadt as Hamborg – dor loopt hunnert anner Veranstalten an so’n Dag. Un denn kammt dor so bummelig 300 Lüüd to so’n Platt-Contest“, wunnerwarkt Thorsten Börnsen un freut sik as dull. Bavento weer ok noch en Bombenstimmung: „De Lüüd hebbt richtig afdanzt“, swöögt he.

Anzeige

Fief Leeder-Wettbewarbe in Neddersassen hett Börnsen all achter sik – man Luft na baven  gifft dat blots bi de Deelnehmer, aver „bi de Bandbreede un Qualität, dor künnt wi echt tofreden ween“. Aver dat Beste: „Dor sünd een poor bi west, wo ik dat Geföhl heff: De wüllt wiedermaken mit Platt. Oder nee: Ik weet dat sogor ganz genau.“

Dorbi is dat gor nich so eenfach, Musiker un Bands rantokriegen. Dat is sogor de „swoorste Deel vun all’ns“, weet Plattschnacker un Musikfan Börnsen. Bi den Wettstriet geiht dat nu aver nich üm de besten Plattschnacker oder de besten Leeder, „dat is jo blots de Ophänger. Wi wüllt, datt de Lüüd op düssen Tripp sitten blievt un mit’n beten Glück haut dat ok hin. Dat hest du ok nich jümmers“, freut sik de Böverste vun’t Zentrum för Nedderdüütsch in Holsteen. De eersten Dree kriegt twaars Instrumenten-Gutschiene – aver de Erfolg kann ok ganz anners kamen, vertellt Thorsten  Börnsen: „Bi de Segebarger Band „Zeitbombe Armut“ is dat all vör den Wettbewarb losgahn: De hebbt den NDR en Interview geven, denn stünn een Artikel in de Segebarger Zeitung binn un nu sünd se de Vörband för de plattdüütsche Musikband „Aalkreih“ wurrn. Dor sünd se so mit rinrutscht.“

Wokeen nu bi plattdüütsche Musik an Folklore un Volksmusik dinkt, de kriggt bi plattbeats örnli wat op’e Ohrn. To’n Bispill vun’e Band „Majak“: „De Metallband mit’e frien Oberkörper, de weer dat Highlight“, lacht Thorsten Börnsen. „De sünd cool un bringt all’ns mit, wat so’n Metall-Band bruken deit.“

Wunnen hebbt de Nakeligen liekers nich – aver villicht düükert se jo mol in Wacken op.  Sieger is de Band „Standbild“ ut Flensborg wurrn mit ehrn Song „404“.  Dat geiht op Platt üm uns digitalen Wahnsinn: „Un dor is nix mehr as dat domals weer, allens verännert sik vun Dag to Dag“, singt de vier Musiker. Un dat is ok goot so. Vör allen Dingen, wat Platt angeiht. Denn: „Plattdeutsch ist eine sehr geile Sprache“, seggt de veer.

Alev Doğan 07.05.2018
Niklas Wieczorek 07.05.2018
Anzeige