Wat is dat doch för een wunnerlichen Maand, de April oder Ostermaand as wi Plattdüütschen em nöömt. „De April hett sien eegen Will“, is een Redensoort. „Launing“ hebbt se to em in’t seggt. De April is nämli böös luunsch, wat dat Wedder angeiht. Dorüm seggt wi ook „Aprilwedder“, wenn dat den een Daag schöön is un den annern gries un natt. Un wokeen is nich all mol in den April schickt wurrn? In‘ April is dat leider ook hooch Tiet för den doren Fröhjohrsputz. Aver de April hett ook sien schööne Sieden: Dor fiert wi dat Oosterfest un all’ns fangt wunnerschöön an to blöhn.
