Menü
Kieler Nachrichten | Ihre Zeitung aus Kiel
Anmelden
Platdüütscht in de School löppt
Nachrichten Schleswig-Holstein

Över 3000 Kinner liert uns Modderspraak

Partner im Redaktionsnetzwerk Deutschland
12:00 18.11.2020
Von Heike Thode-Scheel
Quelle: dpa/Montage th
Anzeige

Dat is man blots en lütt Metall-Schild, wat uns Bildungsministerin Karin Prien in’e Hand höllt - man düt lütt Schild is en groot Utteken för alle 42 Modellscholen Nedderdüütsch in’t Land: „Es ist uns eine Herzensangelegenheit, an den Schulen in Schleswig-Holstein die Regional- und Minderheitensprachen zu pflegen. Die Schilder sind Ausdruck dafür, welche Bedeutung wir den Regional- und Minderheitensprachen zumessen. Das Modellschul-Schild fasst in einem knappen „Wi snackt Platt“ zusammen, was unsere Modellschulen seit dem Schuljahr 2014/2015 verbinden. Sie schnacken Platt mit ihren mittlerweile 3000 Schülerinnen und Schülern und vermitteln in der Grundschule und in der Sekundarstufe I systematisch Sprachkenntnisse in der Regionalsprache Niederdeutsch.“

Schoolmeister Jan Niemann is as Stellvertreter för alle Modellscholen dor – denn en groot Fier kunn dat vunwegen Corona nich geven. Karin Prien betont dorüm, datt dat „eine Auszeichnung und ein Dankeschön an alle Schulleitungen und Niederdeutsch-Lehrkäfte“ is. „Sie leisten einen wichtigen Beitrag zur gelebten Mehrsprachigkeit und Sprachenvielfalt in Schleswig-Holstein. Es ist ein Merkmal, dass ihre Schule ganz besonders auszeichnet.“ Ganz besünners freut sik de Ministerin över „sechs erfolgreiche Jahre für die Modellschulen Niederdeutsch.“

„Die Schilder sind Ausdruck dafür, welche Bedeutung wir den Regional- und Minderheitensprachen zumessen.“

In’t Schooljohr 2014/2015 is nämli all’ns mit 27 Modellscholen anfungen. Bi de stünn Platt op’n Stünnenplaan.  Un twaars för de eerste Klass mit twee Stünnen de Week un de passen Plaanstellen. Un denn güng dat in en Aart Stufenmodell wieder: In’t Schooljohr 2015/2016 stellte dat Bildungsministerium veer Stünnen to Verfügung för de eerste un tweete Klass, en Johr wieder söss Stünnen för de eersten dree Klassen un optletzt acht Stünnen.  För 27 Schoolen sünd dat denn 216 Stünnen west, de de Lannesregeern finanzeert hett.2015 is en Meilensteen: Dat eerste plattdüütsche Schoolbook kümmt rut. „Damit haben die Kinder erstmals Gelegenheit, die niederdeutsche Sprache systematisch zu erlernen“, so dat Bildungsministerium. „Paul un Emma snackt Plattdüütsch“ liggt nu bi dusend Schöler op’n Disch.

2017: Abi op Platt kann losgahn

Un dat kümmt noch beter: 2017 plädeert 15 vun 16 Bunneslänner op de Kultusminister-Konferenz (KMK) för „die Aufnahme des Faches Niederdeutsch in die Liste der anerkannten unbefristet angebotenen länderspezifischen Prüfungsfächer in der Abiturprüfung“, heet dat vigelliensch. Nu kunn dat also losgahn mit dat plattdütsche Abitur.  Twee Johr later gifft dat sogor en Erlass „Niederdeutsch in der Schule". De schall dorför sorgen, datt dat en „systematischen Spracherwerb über von der Grundschule bis hin zur Hochschulreife“ geven deit. Passend dorto kümmt dat tweete Schoolbook „Paul un Emma un ehr Frünnen“ rut. En Platt-Premiere. Denn dat is dat eerste plattdütsche Lehrbook för de drütte un veerte Klass, dat sik nipp un nau an’e moderne Fremdspraken-Didaktik orienteern deit. Dat Lehrbookprojekt schall ok för de Sekundarstufe wiedergahn. Dat hett Ministerpräsident Daniel Günther in de plattdütsche Lanndagsdebatte in‘ August toseggt.

Stütt un Stöhn kriegt de Scholen vun't IQSH

Stütt un Stöhn kriegt de Scholen un de Schoolmeister vun’t Institut för Qualitätssicherung (IQSH). Karen Nehlsen is de Koordinatorin för Regional- un Minnerheitenspraken un togliek Lannesfachberaterin för Plattdüütsch. Bi ehr loopt alle Fodens tohoop. Dat gifft Fortbillen op Platt, Zertikatskurse, Materiol för den Ünnerricht un Online-Seminare. Wokeen op dat Fachportal Nedderdüütsch rinkieken deit, de kann dor allerlei Materiol un Arbeitsbläder to de beiden Platt-Schoolböker finnen.

Kinner, de Platt liert, hebbt en Mehrwert

Dat löppt also mit Platt in de Modellscholen. Dat meent ok Johannes Callsen. He is de Beopdragte för de Minnerheiten- un Regionalspraken in uns Land un is sik wiss: „Wenn Kinner un Jugendliche fröh mit de Regionol- un Minnerheitenspraken in Kuntakt kaamt, denn hebbt se en Mehrwert.“ En groot Loff verdeelt he an alle, de in de Modellscholen mit vun’e Parti sünd. Denn „se leisten en ganz groden Bidrag för de Veelfalt un de Spraken in Sleswig-Holsteen“, hett he in de lütt Fierstünn seggt.

Volker Holm vun de Plattdüütsch-Stiften Sleswig-Holsteen hett sogor noch en passen Geschenk mitbröcht: „Wi geevt ju dat Book „Paul un Emma un ehr Frünnen“ mit op‘n Wech. Fief Stück schall jedeen vun‘e 42 Scholen kriegen.“ Siet 2014 is de Stiften nu all Stütt un Stöhn för dat Modellscholen-Projekt un hett plattdüütsche Böker- un Materiolkisten bistüert.  Denn: „Plattdüütsch liern in Sleswig-Holsteen – dat is en Erfolgsgeschicht!“ Dat meent ok Schoolmeister Jan Niemann: „Dat is en grote, grote Freud, datt wi so veel op Platt maken dörft“, freut sik de Plattschnacker. „Maak man wieder so as Politik“, hett he de Ministerin denn ok mit op’n Wech geven.