Menü
Kieler Nachrichten | Ihre Zeitung aus Kiel
Anmelden
Schleswig-Holstein Platt-Pries is ok en Appell
Nachrichten Schleswig-Holstein Platt-Pries is ok en Appell
Partner im Redaktionsnetzwerk Deutschland
12:00 07.04.2017
Von Heike Thode-Scheel
Hier sitt dat INS in Bremen. Quelle: oh
Anzeige

He is de Böverste vun’t INS. Un dat is wull ok bitter nödig, denn he kann bit hüüt nich verstahn, worüm de veer norddüütschen Bunneslänner Sleswig-Holsteen, Hamborg, Bremen un Neddersassen de Förderung vun’t Institut opkünnigt hebbt. In‘ Dezember schall Sluss ween – denn mutt sik dat INS niege Geldgever söken. De Länner sünd jüst dorbi,  een niege „Koordinierungsstell för Plattdüütsch“ op’e Been to stellen. Reinhard Goltz truut se dat nich so recht to. He is sik seker, „dat se in de Ministerien vun Plattdüütsch un vun plattdüütsche Bildungs- oder Kultur- oder Medien-Arbeit keen Spier vun afweet.“ Dat hett de Institut-Chef in sien Dankreed to’n Besten geven. Wat Heinrich Schmidt Barrien to dat ganze Schlamassel seggen würr, weet man nich. Wiss weer em dat gor nich na de Müütz – denn de Schrieversmann weer een vun’e Grünner vun’t INS. Dat weer vör tweeunveertig Johr.

Sietdem kümmert sik de Mitarbeiter in Bremen üm all’ns, wat mit Plattdüütsch to doon hett. Ob dat nu üm Literatur geiht, üm’e Forschung, üm Projekte in’e Scholen un Kinnergoorns oder üm de Vereene un Verbänne in’e verscheden Bunneslänner. Dorüm is de Freud över den Pries nu groot. Schaad blots, datt dat keen Priesgeld geven deit. Aver dat weer jo ok man blots een Drüppen op’n hitten Stehen west. As Pries gifft dat een Holtfigur, de jümmers wiedergeven warrd. Un twaars den Charakterkopp vun Heinrich Schmidt-Barrien. Wunnerschön ut Iepernholt schnitzt. He kiekt stolt un wiss un hett all in sösstein verscheeden Schrievstuven stahn. Nu ok in‘t ole Huus in Bremen, wo an‘ Gevel steiht: „Us Platt bewohr us dit ole Snoorhuus“. Dat is dat Tohuus vun’t Institut för Nedderdüütsche Spraak. „Wi hebbt noch lang nich opgeven“, verseekert Reinhard Goltz, „. . . dat INS warrt morrn noch mehr bruukt as vundaag.“ Dorüm versteiht sik de Heinrich-Schmidt-Barrien-Pries „ok as Appell an de Politikers, ehr Plichten nich to vergeten, de se mit ehr Ünnerschrift ünner de Charta ingohn sünd“, wohrschaut Gerd Spiekermann optletzt in sien Loffreed. th

Flüchtlingsunterkünfte - Land sitzt auf 20000 Matratzen
Alev Doğan 07.04.2017
Neue Kita-Finanzierung - Eltern müssen draußen bleiben
Heike Stüben 07.04.2017
Öffentlichkeitsfahndung - Falscher Polizeibeamter betrügt Seniorin
07.04.2017