Menü
Kieler Nachrichten | Ihre Zeitung aus Kiel
Anmelden
Weihnachtsgeschichten 2016 Winternacht
Weihnachten Weihnachtsgeschichten Weihnachtsgeschichten 2016 Winternacht
Partner im Redaktionsnetzwerk Deutschland
Anzeige

Ik kiek ut’n Fenster rünner,

de Sünn geiht langsam ünner,

Anzeige

nu is dat weer sowiet,

nu brekt se an, de Wintertiet.

Sacht, ganz sachten,

stiegt de witte Nevel op,

över de froor’n Wischen.

Lies, ganz liesen,

höör ik in de Still dorop,

wat mi de kolde Winter seggt un wies,

alln’s dor buten is vull Ies.

Stiev un sturr vun Frost sünd Gras un Spiern,

na Oosten hin blenkert al de eerste Steern.

De Roh un Still, de is so wunnerbor,

un wiest uns all, in düsse Tiet,

suutje op dat groot Ereignis hin,

denn nu steiht al de Lüüd in Sinn:

Wiehnachten is nich mehr wiet,

de sinnig, liese Tiet in Johr.

Wo de Minschen to sik kümmt,

ünnern Wiehnachtsboom,

wo de Minschen liesen sünd,

ünnern winterlichen Hevensdroom.

Wo de Steern, blenkert as sünst nie,

un een uroolt, sachten Melodie,

uns een Weeg to’n Freeden wiest,

sachten so as Engelssang, ganz lies.

Freeden treckt nu in der Haarten in,

Freeden steiht nu all in Sinn,

Freeden hier bi uns op düsse Welt,

Freeden ünner’t Steernentelt.

Kiek ut’n Fenster, un segg Dank,

krieg in mien Gesicht een lütt Grien,

freu mi so, över düssen Momang,

denn buten fang dat an to snien.